«Сайлов қонунчилиги такомиллаштирилиши муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида»ги ЎРҚ-670 Ўзбекистон Республикаси қонуни тузилиши

Сайлов жараёнини бошқариш ахборот тизимини ишлатиш

ва Сайловчиларнинг ягона электрон рўйхатини шакллантиришга доир муаммолар ва иш-режа
I. Мавжуд муаммолар:
1. Давлат персоналлаштириш маркази, ички ишлар, соғлиқни сақлаш, адлия, мудофаа, кадастр идоралари ва чегара қўшинларининг маълумотлар базалари тарқоқлиги ҳамда идоралараро ахборот алмашиш тизимининг йўқлиги;
2. Фуқароларнинг турар манзиллари бўйича ноаниқликларнинг мавжудлиги сабабли сайловчиларни сайлов участкалари бўйича тўғри тақсимлашда муаммолар;
Хусусан, уй-жойлар бузилган бўлсада, уларда фуқаролар яшаб келаётганлиги тўғрисида маълумот берилган (масалан, Ташкент СИТИ, Ислом цивилизация маркази). Аксинча, фуқаролар яшаб келаётган уйлар ҳақида кадастр ҳужжатлари бўлмаган (Сергилидаги янги мавзе);
3. Айрим ҳудудларда сайлов участкаларининг чегаралари бўйича эскирган маълумотлар тақдим этилиши ва оқибатда сайловга бир неча кун қолгунга қадар сайлов участкаларнинг чегаралари ўзгаргани;
4. Сайловчиларнинг ягона электрон рўйхатида сайловчиларнинг хорижий ёки дипломатик паспорт бўйича маълумотлари мавжуд эмаслиги.
5. Сайлов кампанияси даврида уйма-уй юриб хатловдан ўтказиш айрим ҳудудларда сифатсиз амалга оширилгани.

II. Чора-тадбирлар режаси бўйича амалга ошириладиган ишлар:
1. Масъул вазирлик ва идораларнинг сайлов жараёнига тааллуқли идоравий ахборот тизимлари ва маълумотлар базаларини ўзаро интеграциялаш, реал вақт режимида актуаллаштириб бориш (муддат – 1 май).
2. ХАТЛОВ 1.0.3 ва “Манзил” базасидаги маълумотларни янгилаш (муддат – 1 май).
3. Кўчмас мулк объектларига оид маълумотларни тегишли Давлат реестрига киритиш, ушбу маълумотларни янгилаш, кадастр ҳужжатлари мавжуд бўлмаган лекин сайловчилар истиқомат қилиб келаётган кўчмас мулк, турар жой объектларини аниқлаш, уларга кадастр ҳужжатларини шакллантириш, кадастр рақами мавжуд бўлмаган объектларни рақамлаш (муддат – 1 апрель).
4. Сайлов комиссиялари аъзоларини СЖБАТда ишлаш бўйича ўқитилишини ташкил этиш, тренерларни шакллантириш