«Сайлов қонунчилиги такомиллаштирилиши муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида»ги ЎРҚ-670 Ўзбекистон Республикаси қонуни тузилиши

5. ДИИҲБнинг сайловларни кузатиш бўйича миссияси тузилмаси:
Асосий гуруҳ - СКМ офиси қабул қилувчи мамлакатнинг пойтахтида сайлов кунидан тахминан 6–8 ҳафта олдин очилади. Бу ерда таркиби 10–15 нафар халқаро экспертдан иборат бўлиши мумкин бўлган миссиянинг асосий гуруҳи жойлашади. Асосий гуруҳ таҳлилий ва тезкор бўлинмалардан иборат бўлади.
Узоқ муддатли кузатувчилар - мажбуриятларига минтақаларда сайлов жараёнининг турли босқичлари устидан кузатув олиб бориш ва миссия иштирокчиларига мамлакатда нима юз бераётганлиги тўғрисида кенг қамровли ахборот бериш киради. УК сайлов куни ва сайловдан кейинги кунда мисси­янинг асосий гуруҳи кузатув олиб борилаётган тегишли минтақалардаги воқеа­ларнинг тенденциялари ва ривожланиши тўғрисида тўлиқ ахборот олиши учун қисқа муддатли кузатувчиларнинг ҳисоботлари берилишини мувофиқлаштиради. Сайлов куни давомида ва сайловдан кейинги тунда узоқ муддатли кузатувчилар минтақалар бўйича далил-исботлар ва хулосалар СКМ нинг даст­лабки баёнотида акс эттирилиши учун миссиянинг асосий гуруҳига мунтазам равишдаги хулосаларни юборишади.
Қисқа муддатли кузатувчилар – вазифаларига ўзлари тайинланган туманда сайлов куни кузатув олиб бориш, шунингдек ўз хулосаларини миссиянинг қароргоҳига аниқ ва тўлиқ хабар қилиш киради. ҚК тахминан бир ҳафта мамлакатда бўладилар, сайловдан тўрт кун аввал ташриф буюрадилар. Эртаси куни улар ўзлари тайинланган кузатув олиб бориладиган туманларга юборилади. Одатда, сайлов кунигача уларда ўз туманлари билан танишиб чиқиш учун бир кун бўлади. Қоидага кўра, сайловдан бир-икки кун кейин қисқа муддатли кузатувчилар мамлакат пойтахтига қайтиб келадилар. У ерда улар сайлов якунлари муҳокамаси бўйича мажлисларда иштирок этадилар. Эртаси куни улар мамлакатни тарк этадилар.
Қабул қилувчи мамлакат фуқаролари орасидан танланган техник ходимлар - миссия асосий гуруҳининг ҳар бир аъзоси маҳаллий аҳолидан танланган камида бир ёрдамчига эга бўлади. Баъзи бўлинмалар, аввало, оммавий ахборот воситалари ва моддий-техника таъминоти билан шуғулланувчи бўлинмалар кўпинча бир қанча маҳаллий ёрдамчиларга эга бўлиши мумкин. Улар халқаро вакилларнинг таржимонлари ва маъмурий ёрдамчилари сифатида иш олиб борадилар. Шунингдек, маҳаллий фуқаролар орасидан танланган таржимон ва ҳайдовчи узоқ муддатли ва қисқа муддатли кузатувчиларнинг ҳар бир гуруҳига ёрдам кўрсатади.
Маҳаллий ходимлар кузатувчилар қаторига кирмаслигига қарамай, улар СКМ вакиллари ҳисобланадилар ва ЕХҲТ нинг ахлоқ кодексига, шу жумладан Сайлов кузатувчиларининг ахлоқ кодексига сўзсиз риоя қилишлари зарур.