«Сайлов қонунчилиги такомиллаштирилиши муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида»ги ЎРҚ-670 Ўзбекистон Республикаси қонуни тузилиши

3. Одатда, ДИИҲБ тадбирларидан олдин Эҳтиёжларни Баҳолаш Миссияси (ЭБМ) иш олиб боради. ЭБМ мамлакатга муайян сайлов бошланишидан бир неча ой олдин сайловолди вазиятини, шу жумладан сайловга тайёргарликни баҳолаш учун юборилади. Унинг вазифаси — сайлов билан боғлиқ тадбирларни ўтказишнинг мақсадга мувофиқлиги хусусида тавсиялар ишлаб чиқишдан ва, агар шундай тадбирлар зарур бўлса, уларнинг айнан қандай шаклда бўлиши аниқланган эҳтиёжларга яхшироқ жавоб беришини белгилашдан иборат. ЭБМнинг ишлаш даври бир неча кунни ташкил этади. Миссия таркибига ДИИҲБнинг сайловлар бўлими ходимлари, шунингдек, оператив ва хавфсизлик маса­лалари бўйича экспертлар ҳамда бошқа мутахассислар киради.
Одатда, ЭБМ сайлов органлари ва давлат ҳокимияти органларининг вакиллари, сиёсий партиялар, ОАВ, фуқаролик жамияти ташкилотлари ва ЕХҲТнинг жойлардаги миссиялари ходимлари, шунингдек ЕХҲТга иштирокчи давлатларнинг дипломатик вакиллари ва бошқа тегишли халқаро ташкилотларнинг вакиллари билан учрашадилар ва сайлов билан боғлиқ фаолият хусусида тавсиялар тайёрлайди.
4. Сайловни кузатувчи миссия (СКМ) – бу ДИИҲБнинг ушбу соҳадаги фаолиятининг энг кенг қамровли шаклидир. СКМ сайловнинг ўтказилишини унинг ЕХҲТ мажбуриятларига, демократик сайловларнинг бошқа халқаро стан­дартларига, шунингдек миллий қонун ҳужжатлари қоидаларига мослиги нуқтаи назаридан баҳолайди ва сайловларни ўтказиш соҳасини яхшилашга доир аниқ тавсияларни таклиф этади. СКМ таркибига экспертларнинг асосий гуруҳи, шунингдек УК ва ҚК муддатли кузатувчилар гуруҳлари киради. СКМ овоз бериш кунидан 6–8 ҳафта олдин ишга киришади ва сайлов жараёнининг барча жиҳатларини кузатиб боради. Сайлов кунигача СКМ оралиқ ҳисоботларни эълон қилади, сайлов кунидан кейин дарҳол — одатда ўзи билан сайловни кузатувчи миссияни ташкил этган ҳамкор ташкилотлар билан биргаликда тайёрланган дастлабки хулосалар тўғрисидаги баёнотни эълон қилади. Тўлиқ якуний ҳисобот мазкур сайлов жараёни тугаганидан тахминан икки ой кейин эълон қилинади. Якуний ҳисобот сайловларни ўтказиш жараёнини такомиллаштириш юзасидан муайян тавсияларни ўз ичига олади.