Safarov, G. R. Tursunova turizm asoslari t oshkent – 2014 I. S. Tuxliyev, R. Hayitboyev, B. Sh. Safarov, G. R. Tursunova

«O‘ZBEKTURIZM» MILLIY KOMPANIYASI MARKAZIY APPARATINING TARKIBI








Tasarruf qilinadigan tashkilotlar











«O‘zbekturizm» MKning 08.04.2013- y., 27-sonli buyrug‘iga asosan markaziy apparat tarkibi 30 kishi, jumladan boshqaruv xodimlari 14 kishi qilib tasdiqlandi.



16.2-rasm. Turizm bo‘yicha mintaqaviy bo‘linmalarning namunaviy tarkibi
«O‘zbekturizm» Milliy kompaniyasining hududiy sayohat va ekskursiya byurolari ro‘yxati:

• 
  Andijon viloyatidagi sayohat va ekskursiya byurosi
  
• 
  Jizzax viloyatidagi sayohat va ekskursiya byurosi
  
• 
  Qashqadaryo viloyatidagi sayohat va ekskursiya byurosi
  
• 
  Qoraqalpog‘iston Respubliki sayohat va ekskursiya byurosi
  
• 
  Navoiy viloyatidagi sayohat va ekskursiya byurosi
  
• 
  Namangan viloyatidagi sayohat va ekskursiya byurosi
  
• 
  Surxandaryo viloyatidagi sayohat va ekskursiya byurosi
  
• 
  Farg‘ona viloyatidagi sayohat va ekskursiya byurosi
  

16.2. Turizm menejmentining samaradorligi

Turizm menejmentining samaradorligi haqida mulohaza qilganimizda turizmning ijtimoiy-iqtisodiy hodisa, jarayon ekanligi nuqtai-nazaridan fikr yuritishimiz lozim bo‘ladi. Turizm oqibatlarini, natijalarini dastlab yakka shaxs, so‘ngra jamiyat his qiladi. Turizmning jamiyatga ta’sir doirasining oshib borishi bu sohaning asoslari bo‘lgan turistik firmalar va turistik tashkilotlardagi menejment faoliyatining samaradorligini oshirishni talab qiladi.

Turizmda menejmentning samaradorligi turistik mahsulotni ko‘p ishlab chiqarish bilan belgilanmaydi, balki turistik mahsulotning iste’molchi talablarini qay darajada qondirilganligi bilan belgilanadi. Mamlakat iqtisodiyotiga turizmning to‘liq ta’siri va mamlakat iqtisodiyotining turizmga o‘zaro ta’sirini tushunishda biri-biriga bog‘langan quyidagi to‘rtta masalani yechishga to‘g‘ri keladi.

1. 
   Turizmning mamlakat yalpi daromadiga qo‘shadigan hissasini aniqlash;
   
2. 
   Turizm faoliyatidan kelib chiqadigan yangi iqtisodiy yo‘nalishlarni aniqlash;
   
3. 
   Milliy iqtisodiyotda turizm hissasini ijtimoiy-iqtisodiy ko‘rsatkichlari bo‘yicha aniqlash;
   
4. 
   Turizmning milliy iqtisodiyotga qo‘shadigan «hissasi»ni
   

rivojlantirish chora-tadbirlarini ishlab chiqish.
Turistik firmaning menejeri firma faoliyatini boshqarishda bosh ma’sul hisoblanadi. Lekin barcha turistik firmalarning menejeri bir xil vazifani bajarmaydi, balki turistik firmaning faoliyat ko‘rsatish yo‘nalishlari turli-tuman bo‘lganligidan menejerlar faoliyati ham xilma-xildir.
Birinchidan, turistik firmada boshqaruv haqidagi qarorlarni va bu qarorlarning bajarilishini menejer boshqaradi. Firmaning to‘g‘ri faoliyat yuritishga ham asosiy javobgar rahbarlardan biri menejer hisoblanadi.
Ikkinchidan, menejerning axborotlar bo‘yicha turistik firmani boshqarishi ham o‘ta ma’sul, zamonaviy talabdir. Boshqaruvda menejer eng ishonchli axborotlarni to‘plab tahlil qiladi. Menejer axborotlarni qanchalik puxta tanlasa va tegishli, to‘g‘ri qaror qabul qilsa ijroni bajaruvchilar ham firma ishlab chiqarishida aniq, belgilangan yutuqlarni erishadilar.
Uchinchidan, menejer turistik firmaning rahbari sifatida ish ko‘rib, firmaning ichki va tashqi muhitini ijobiy holatda belgilaydi. Menejer bu tashkilotda alohida mavqe’ga ega bo‘lgan ishonchli shaxs. U o‘zining orqasidan odamlarni ergashtiradi, odamlar ham uning ish uslubiga, g‘oyasiga ishongani uchun unga ergashadilar.
Bozor iqtisodiyoti sharoitida zamonaviy turizmda turistik firmaning zamonaviy menejeridan quyidagilar talab qilinadi:

• 
  o‘z-o‘zini boshqarish qobiliyatiga ega bo‘lishi;
  
• 
  aql-farosat hislatlariga ega bo‘lishi;
  
• 
  aniq shaxsiy maqsadlari bo‘lishi;
  
• 
  o‘z-o‘zini har xil jihatlarda o‘stirib, kamol toptirib borishi;
  
• 
  muammolarni yechish ko‘nikmalarining bo‘lishi;
  
• 
  innovatsiyalarni to‘g‘ri qabul qilishi;
  
• 
  atrofdagilarga ta’sir qila bilishi;
  
• 
  zamonaviy boshqaruvga yondasha bilishi;
  
• 
  tashkilotchilik qobiliyatiga ega bo‘lishi;
  
• 
  ishlovchilarini o‘qita bilishi;
  
• 
  mehnat jamoasini shakllantirish va rivojlantirish qobiliyatiga ega.