Safarov, G. R. Tursunova turizm asoslari t oshkent – 2014 I. S. Tuxliyev, R. Hayitboyev, B. Sh. Safarov, G. R. Tursunova

5. A.Kvartalnovning marketing bo‘yicha bergan ta’rif qaysi qatorda to‘g‘ri ko‘rsatilgan?
a) marketing bu-mahsulotlar va xizmatlar ishlab chiqaruvchining – iste’molchiga harakatlanishi faoliyatidir
b) marketing – bu turistik tashkilotning haridor, iste’molchining talabini qondiradigan mahsulotlar va xizmatlar ishlab chiqarishdir
d) marketing – bu zamonaviy biznesni boshqarishning bozor tizimini o‘zida mujassamlashtirgan iste’molning hamma tomonlarini, talablarini diqqat bilan tizimli o‘rganish natijasida xizmatlarni bozorga chiqarish tizimidir
e) marketing faoliyati ishlab chiqarishni oldindan belgilangan hajmlarda va muayyan texnik–iqtisodiy taklifnomalarga javob beradigan, raqobatbardoshli mahsulotni, bozor talabini o‘rganish va uni hisobga olish orqali mavjud ehtiyojni ko‘paytirib, uni to‘la ta’minlashga qaratilgan.

18- mavzu. O‘ZBEKISTON RESPUBLIKASINING TURIZM SOHASIDAGI DAVLAT SIYOSATI
Reja:
18.1. Davlatning turizm sohasidagi siyosati
18.2. Davlatning turizm siyosatini amalga oshirish mexanizmi
18.3. Turizm faoliyatining davlat tomonidan tartibga solishning asosiy maqsadlari
18.4. O‘zbekiston Respublikasida turizm sohasiga oid farmon va qarorlarning xronologiyasi


18.1. Davlatning turizm sohasidagi siyosati

Mamlakatimizda turizm faoliyatiga mustaqillikning dastlabki kunlaridanoq, asosiy davlat siyosati darajasida qaraldi. Soha rivoji uchun barcha zarur tashkiliy – huquqiy mexanizm vujudga keltirilib, muhim me’yoriy hujjatlar qabul qilindi va bu ish hozirda ham davom etmokda. Mamlakatimizda turizmning ravnaqi, uni yangi pog‘onalarga ko‘tarish, yurtimizni jahon turizm markazlaridan biriga aylantirish uchun avvalo huquqiy zamin yaratish lozim edi. Shu tufayli O‘zbekiston Respublikasi Oliy Majlisining mazkur yo‘nalishga taa’luqli qonun va kodekslari, O‘zbekiston Respublikasi Prezidentining turizmga oid qator Farmonlari, Respublika Vazirlar Mahkamasining qarorlari, Adliya Vazirligining va boshqa mutasaddi davlat idoralarining yo‘riqnoma, ko‘rsatma va tartiblari ishlab chiqilib, hayotga tadbiq etilmoqda. Davlatning turizm sohasidagi siyosati davlat ijtimoiy-iqtisodiy siyosat ko‘rinishlaridan biri hisoblanadi.