Safarov, G. R. Tursunova turizm asoslari t oshkent – 2014 I. S. Tuxliyev, R. Hayitboyev, B. Sh. Safarov, G. R. Tursunova

Bozorni tadqiq qilish – marketing tadqiqotlaridagi eng ommaviylashgan yo‘nalish hisoblanadi. Bu tadqiqotlar turistik tashkilotning bozordagi faoliyatini belgilab beradi. Mutaxassislarning ta’kidlashicha bozorni tadqiq qilmasdan bozorda muvaffaqiyatlarga erishib bo‘lmaydi. Bozorni tadqiq qilishdan olingan natijalar bo‘yichagina turistik tashkilotning bozor haqidagi mukammal qarorlarini qabul qilishi mumkin.
Iste’molchilarni tadqiq qilish – tovarlarni tanlash jarayonida iste’molchilarning iqtisodiy-ijtimoiy holati (daromadlari, ijtimoiy holati, jinsiy tarkibi, yoshi, ma’lumoti va h.k.) tadqiq qilinadi. Ob’ekt sifatida yakka iste’molchi, oila, uy xo‘jaligi, iste’molchi tashkilotlar mo‘ljalga olinadi. Tadqiqot predmeti bo‘lib iste’mol qilish xulqi, bozorda iste’molchining harakatlari, tavsifi va boshqa omillar kuzatuvga olinishi mumkin. Bu tadqiqotlarda iste’mol tarkibi, tovarlar bilan ta’minlanganlik, talab an’analari, iste’molchilarning talablari qondirilishi darajalari o‘rganiladi. Natijada iste’molchining tovarlarni keng assortimentda saylab olishi ishlab chiqiladi.
Raqobatchilarni tadqiq qilish – marketing tadqiqotlarida eng muhim yo‘nalish hisoblanadi. Bu yo‘nalish shu darajada istiqbolli hisoblanadiki, raqobat natijasida turizmni rivojlantirishda turistik tashkilotlar xalqaro raqobatchilarga aylanmoqdalar. Raqobatchilarni tadqiq qilishda raqobatchi tashkilotning faoliyati, ishlab chiqarish hajmi, bozordagi o‘rni, iste’molchilari, sotish, baho, raqobatchilarning moliyaviy ahvoli, faoliyatidagi strategiyasi va taktikasi va h.k.lar doimo diqqat e’tiborda turadi. Bu yo‘nalishda boy berish liderlikni boy berish, deb tushuniladi.
Tovarlarni tadqiq qilish – tovarlarni tadqiq qilishda eng muhimi, iste’molchi nimani olishni xohlaydi, tovarlarning qandaylari iste’molchi talabini qondiradi va h.k. savollarga javob topish kerak bo‘ladi. Tadqiqotlar ob’ekti firma ishlab chiqargan tovarlarga o‘xshashlari (analoglari) hisoblanadi. Bu tovarlarni solishtirish, taqqoslash natijasida kamchiliklar aniqlanadi va tuzatiladi.