«Саботул-ожизин». Сўфи Оллоёр

«Саботул-ожизин». Сўфи Оллоёр
Яратди ким нечук сизнию бизни,
Тақи халқ этди бизни феълимизни.
Агар чандики қўимас эркимизга,
Берибдур ихтиёри жузъи бизга.
Муносиб иш эрур ё номуносиб,
Ани қилмоқға банда бўлди косиб.
Ўшанча ихтиёри жузъидин боз,
Топар банда жазо кўп қилса ё оз.
На ким ризқеки бўлса шайбу боло
Яратибдур ани Вожиб Таоло.
Ҳаромидин ва ле манъ этди бизни,
Берибдур ихтиёри жузъимизни.
Худо рози эмас исёнимизға,
Ризосидур анинг эҳсонимизға.
Киши рози, деса— исён қилурға,
Аимма ҳукмидур кофир бўлурға.
Худо зулм этмади ҳеч бандаларға,
Вале туз иўлни кўрсатди аларға.
Ўшал халқики туз йўлдин тоярлар,
Алар ўз жонлариға зулм этарлар.
Азоб этса бу олам ё у олам,
Эрур бул адл, эй фарзанди одам.
Нафссиз халқ эрур ё зи нафсдур,
Анинг ўз мулкидур ҳеч зулм эмасдур.
Агар афв айласа, ўз фазлидур ул,
Будур сидқингу ихлосинг, будур йўл.
Етар биз омиларга бунча билсак,
Тутуб маҳкам бўиинсунсак, эгилсак.
Жамоат аҳли суннат тузган эрлар
Дедилар: «Турфа нозикдур бу йўллар».
Улуғ йўлни қўииб ўлгунча, эй ёр,
9 / 114

---

«Саботул-ожизин». Сўфи Оллоёр
Қадам қўйма, тояр ерларға зинҳор.
Иймоннинг баёни
Худодин ҳар на келса, рост билдинг,
Тилинг бирла яна иқрор қилдинг.
Мусулмонлиғ йўлида булдир иймон,
Муни билмас киши Тонгла пушаймон.
Яқин билгилки, иймон бўлмағай кам,
Эрур бирдек, зиёда бўлмағай ҳам.
Бу сўздур аҳли суннатни тариқи,
Жадал этди бу сўзда ҳар фариқи.
Бўлур аммо амал зойиду нуқсон,
Топар яхши амалдин ужра инсон.
Амал айланг ва лекин аймоғайсиз:
«Амалдин дохили жаннат бўлурмиз».
Ани амрин дилу жонинг била ол,
Амал қил ҳам Ўзининг фазлина сол.
Насиб этса биҳишт Ўз фазлидин бил,
Амалга иттико қилмай амал қил.
Ғараз улким, амалга бўлма мағрур,
Амал қилғил, амалга банда маъмур.
Амал қилмоқдин ахди истифода
Дедилар: «Нури иймондур зиёда».
Ва гар на бўлмас иймон зойиду кам,
Ақида булдур, эй фарзанди одам.
Амалнинг нафъи ҳам иймон биландур,
Қачон ёлғуз амал қилғон биландур.
Наъувзу биллаҳ, иймонсиз кишини
Қабул этмас Худойим ҳеч ишини.
Агарчи яхшилар аъмолин этса,
Тасаддуқ ер юзини молин этса.
10 / 114

---