Sabirov B. A. Mashinasozlik texnologiyasi asoslari fanidan

Sinov savollari

1. 
   SHakldor sirtga qanday sirtlar kiradi?
   
2. 
   Nima uchun har qanday sirtlarga ishlov bsrishda shakldor keskichlardan foydalanib bo‘lmaydi?
   
3. 
   SHakldor keskich yordamida ishlov berishda kesish rejimi qanday tanlanadi?
   
4. 
   SHakldor sirtlarga qaysi usulda ishlov bsrish maqsadga muvofiq bo‘ladi?
   
5. 
   SHakldor sirtlarni jilvirlash qanday amalga oshiriladi?
   
6. 
   Dastur bilan boshqariladigan dastgohlarda shakldor sirtlarga ishlov berishning mohiyati nimadan iborat?
   
7. 
   Dastur bilan boshqariladigan dastgohlarda shakldor sirtlarga ishlov berishda unumdorlik qancha oshadi?
   

12. Mavzu

TISHLI GILDIRAKLARNI TAYYORLASH TEXNOLOGIYASI

1. Tishli gildiraklarning turlari, tuzilishi, ularni tayyorlash bo’yicha texnik talablar, qo’llaniladigan materiallar va zagotovka turlari

Mashina va mexanizmlarda tishli gildiraklar eng ko’p uchraydigan detallar hisoblanadi. Tishli gildiraklar belgilangan uzatishlar soniga asosan bir valdan ikkinchisiga aylanma harakatni va burovchi momentni uzatish uchun xizmat qiladi. Tishli gildiraklar avtomobillar, traktorlar, metall kesish dastgohlarining tezliklar va uzatishlar qutilarida, reduktorlar, ko’tarish tushirish qurilmalari, nazorat asboblari, soatli mexanizmlar hamda shunga o’xshash qurilmalarda keng qo’llaniladi.

Tishli gildiraklarni asosiy turlari va tuzilishlari 12.1-rasmda keltirilgan. Birinchi tur tishli gildiraklar bular gupchakli va gupchaksiz silindrik va konussimon tishli gildiraklar. Bu tishli gildiraklarning markaziy teshiklarini tuzilishi tekis, shponka uyali va shlitsali ko’rinishida bo’ladi. Tishli gildiraklarni uk bo’yicha yunalgan ochik markaziy teshiklarning uzunligi uning diametriga nisbati 1/d>1 ya’ni «vtulka» ko’rinishida bo’ladi.