С. У. Меҳмонов, Д. Й. Убайдуллаев бюджет ташкилотларида бухгалтерия ҳисоби

Дебет 02-счётнинг субсчётлари Кредит

Ҳисобланган эскириш суммасини ҳисобдан чиқарилиши
Эскириш суммасини ҳисобланиши

Бюджет ташкилотлари томонидан ўтган йилларда, шунингдек, жорий йилда бюджет маблағлари ҳисобидан сотиб олинган асосий воситаларига ҳисобланган эскириш суммаси харажатлар сметасининг ижроси ҳақида ҳисобот (2-шакл)да харажатлар иқтисодий таснифининг 43 50 000 “Асосий воситаларни сотиб олиш” харажат моддасининг тегишли кичик модда ва элементлари бўйича хақиқий харажатлар сифатида акс эттирилади.
Бунда, бюджетдан ташқари маблағлар ҳисобидан ўтган йилларда, шунингдек, жорий йилда сотиб олинган асосий воситалар бўйича ҳисобланган эскириш суммаси эса, тегишли равишда бюджетдан ташқари маблағларнинг ҳаракати тўғрисидаги ҳисоботларда харажатлар иқтисодий таснифининг 43 50 000 “Асосий воситаларни сотиб олиш” харажат моддасининг тегишли кичик модда ва элементлари бўйича хақиқий харажатлар сифатида акс эттирилади.
Шартли мисол. Бюджет ташкилоти томонидан 2011 йилнинг 9 июлида 15.0 млн.сўмлик асосий восита, яъни мебель (013-субсчёт) бюджет маблағлари ҳисобидан сотиб олинди. Юқоридаги Низомга мувофиқ унинг йиллик эскириш меъёри 15%.
Демак, бюджет ташкилоти томонидан 2011 йилнинг август ойидан бошлаб ҳар ойда 187.5 минг сўмдан (15.0 млн.сўм * 15% / 12) ушбу асосий воситага эскириш ҳисоблаб борилиши лозим. Бу эса, ҳисобда қуйидагича акс эттирилади:
Дебет 231 субсчёт 187.5 минг сўм;
Кредит 023 субсчёт 187.5 минг сўм.
2011 йилнинг 1-октябр ҳолатига бюджет ташкилоти томонидан тузиладиган харажатлар сметасининг ижроси ҳақида ҳисобот (2- шакл)да мазкур хақиқий харажат 375.0 минг сўм (187.5*2) харажатлар иқтисодий таснифининг 43 50 000 “Асосий воситаларни сотиб олиш” харажат моддасининг 43 54 910 “Мебел ва офис жихозлари” кичик моддаси бўйича хақиқий харажат сифатида акс эттирилади, яъни,