S. T. Abdurahmanov NamDU, Ekologiya kafedrasi mudiri

---

 

---

Annotatsiya 
Mazkur dastur 5630100-Ekologiya va atrof-muhit muhofazasi (tarmoqlar va 
sohalar bo’yicha) ta’lim yo’nalishining 2017/2018 o’quv yilida tasdiqlangan o’quv 
rejasidagi “Ekologiya asoslari”, “Bioekologiya”, “Ekologik siyosat”, “Amaliy ekologiya” 
fanlarining namunaviy dasturlari asosida tuzilgan bo’lib, 5A630101 – Atrof-muhit 
muhofazasi (tarmoqlar bo‘yicha) mutaxassisligi bo’yicha o’qishga kiruvchilar uchun 
mo’ljallangan. 
 
Tuzuvchilar:
S.T. Abdurahmanov
– NamDU, Ekologiya kafedrasi mudiri,
 
B.A. Kamalov
– NamDU, Ekologiya kafedrasi professori, g.f.d.
 
Taqrizchi:
A. Qozoqov
– NamDU, Ekologiya kafedrasi dotsenti, q/x.f.n.
Dastur Tabiiy fanlar fakultetining 2021-yil 29-iyundagi 13-sonli Kengashida 
muhokama qilingan va tasdiqlashga tavsiya etilgan.

---

Kirish 
Ekologiya va atrof-muhitni muxofaza qilish davlat qo‘mitasining qarori bilan 
“Respublikada ekologik ta’limni rivojlantirish va ekolog kadrlarni tayyorlash, kayta 
tayyorlash xamda malakasini oshirish tizimini yanada takomillashtirish istiqbollari” 
Dasturi qabul qilindi.
O‘zbekiston Respublikasi Prezidenti SH.M.Mirziyoevning 2017 yil 12 iyul’ Oliy 
Majlis Konunchilik palatasi, siyosiy partiyalar xamda O‘zbekiston Ekologik Harakati 
vakillari ishtirok etgan yigilishdagi ma’ruzalarida ekologik masalalarga to‘xtaldi. Unda 
eng muhim vazifa aholining ekologik madaniyatini oshirish, muammolarni fakat 
ma’muriy yo‘l bilan xal etib bo‘lmasligini inobatga olib yosh avlod qalbida ona tabiatga 
mehr va muhabbat, unga daxldorlik hissasini tarbiyalash orqali maqsadga erishish 
mumkinligi bayon qilingan. Tabiatdan foydalanish va uni muhofaza qilish, tabiiy 
boyliklardan tejamkorlik bilan foydalanish hozirgi zamonning eng dolzarb global 
ekologik muammosi xisoblanadi. Bu muammo 7 mlrd. dan ortiq sayyoramiz aholisini, 
ular yashayotgan davlatlar va mamlakatlar manfaatini o‘z ichiga qamrab oladi. 
Ekologiyaning bu muammosi yer yuzidagi tiriklikni, eng avvalo inson salomatligini 
saqlashni ko‘zda tutadi.
Shu jihatdan magistr talabalar atrof-muhitni muhofaza qilishga doir yangi 
ma’lumotlar olish, ilmiy metodik va amaliy jihatlari bilan tanishish, uni amalga 
oshirishning shart sharoitlari va amalda qo‘llash kabi bilimga ega bo‘ladilar.