С а д р и д д и н а й н и й э с к и м а к т а б

қўймас эди. 
«Халқ Туркистон билан бориш-келиш қилса,
большевиклар ва Бухоро жадидларининг ташвиқотларига тушиб,
менга қарши қўзғолон кўтарадилар», деб қўрқар эди. Айниқса,
Колесов воқеасидан қейин амир ҳукуматининг бундай қисишлари
ортди. Бунинг устига, амир бу йил инқилобга қарши ҳозирланиш
учун ҳар йилдагидан ортиқроқ солиқ солди. Амир томонидан
бу ерларда ҳукмронлик қиладиган беклар бўлса, амир солган
солиқни бир неча қатла орттириб олиб, амир хазинасига тоишири-
ладиган миқдордан ортганини ўз чўнтакларига тиқар эдилар. Бу
одатдан ташқариси солиқларни бермаган ёки бера олмаган ким-
саларни зиндонга солар, «боғий» деб банд қилиб, Бухорога жўна-
тар эдилар.
Табиий, ҳокимнинг бу зулм-тааддийсига маҳаллий амалдорлар
ва муллалар ёрдам берар ва йўл кўрсатар эдилар. Чунки фуқаро
қўлидан чиқаднган нарсаларнинг бир қисми, ҳоким қўли орқали
инъом-эҳсон ва садақа номлари билан уларнинг чўнтагига кирар
эди.
Колесов воқеаси бошланганда, амир Кўҳистоншшг амалдор
ва муллаларини Бухорога чақирган эди, бу воқеа тугалиб, Қизил-
тепа сулҳномасига қўл қўювдан кейин ҳам амир куч йиғиш
ншини давом қилдириб, келажак учун тайёрланар, шу қаторда
Кўҳистон халқини ҳам ёрдамга чақирган эди.
Албатта танхохўрлар ва амалдорлар амирга ёрдам бермоққа
тайёр эди. Аммо амир учун бугина оз эди. У ўз тож-тахтини сақ-
лов учун Кўҳистоннинг ҳар бир моддий ва маънавий кучидан,
жонли ва жонсиз нарсаларидан фойдаланишни тилар эди. Амир-
нинг бу муродини ҳосил қилмоқ учун амалдорлар ва муллалар халқ
орасида ташвиқот юргизар эдилар.
Бир томондан, буларнинг ташвиқлари, иккинчи томондан,
ҳукуматнинг жабр-зулмлари бир қисм халқни амирга ёрдам