Ruslan allayorov, muhiddin xidirov, qalmaxan abduxalikov

In’ikos
 
– narsa va hodisalarning o‘zaro ta’sirlashuvi asosida hosil 
bo‘ladigan hodisa, holat, jarayon va o‘zgarishni ifodalaydigan tushuncha. 
Iqlim
– Yer yuzasi biror joyi ob-havosining ko‘p yillik tartibi. Iqlim 
Quyosh radiatsiyasi, yer yuzasining holati va atmosferadagi havo 
harakatlari hosilasidir. 
Knyaz
– qabila boshlig‘i, davlat yoki mulk hukmdori. Knyaz – 
avloddan-avlodga o‘tgan faxriy dvoryanlar unvoni, XVIII asrdan podsho 
tomonidan alohida xizmat ko‘rsatgan amaldorlarga ham berilgan. 
Knyazlik
– knyazlar boshqargan mustaqil va qaram davlatlar, alohida 
mulklar. Knyazlik sharqiy slavyan va qadimgi rus davlatlarida 8 – 9- 
asrlarda vujudga kelgan. Hozirda G‘arbiy Yevropdagi Lixtenshteyn, 
Monako, Andorra kabi mamlakatlar knyazlik hisoblanadi. 
Koloniya
(lotincha, koloniya – turar-joy)
– maxsus tartib asosida 
boshqariladigan mustaqil siyosiy va iqtisodiy hokimiyatsiz chet davlat 
vakolatiga bog‘liq bo‘lgan hududdir.
Ko‘llar
 
– quruqlikning ancha pastqam, atrofi berk botiqlarida 
joylashgan, oqimsiz yoki sust oqimli, o‘ziga xos geoekologik sharoit 
shakllangan suv havzalaridir. 
Lord
– o‘rta asrlarda Angliyada dastlab yer egalarining nomi, 
keyinchalik ingliz oliy dvoryanlarining umumlashma unvoni.
Mamlakat
 
– siyosiy-geografik termin bo‘lib, muayyan chegaralarga 
va davlat suverenitetiga ega bo‘lgan yoki boshqa bir davlat hukmronligi 
ostida bo‘lgan hudud (mustamlaka, boshqaruv ostidagi hudud)ni anglatadi. 

---

94 
Materik
– hamma tomondan okean va dengiz suvlari bilan o‘ralgan 
katta quruqlik. Okean tagidan baland ko‘tarilgan va undan ancha tik 
materik yonbag‘ri bilan ajralgan umuman yassi, juda katta yer po‘sti 
massivlaridir.