Ruslan allayorov, muhiddin xidirov, qalmaxan abduxalikov

Sanoat
 
– moddiy ishlab chiqarishning eng yirik yetakchi tarmog‘i 
bo‘lib, unda mehnat qurollari (vositalari), mehnat buyumlari va xalq 
iste`mol mahsulotlarining ko‘pchilik qismi yaratiladi. 
Shahar
– aholisi, asosan, sanoat, savdo, xizmat ko‘rsatish, boshqaruv 
va madaniyat sohalarida band bo‘lgan yirik aholi manzilgohi. 
Shamol
– havoning yuqori bosimli joylardan past bosimli joylarga 
tomon gorizontal harakati. 
Sharshara
– daryo suvining o‘zandagi jarlikdan otilib tushishi. 
Bunday jarliklar qattiq tog‘ jinslari yer yuzasiga chiqqan joylarda vujudga 
keladi. 
Suvosti tizmalari
– okeanlar va ba’zi dengizlar tagidagi uzun 
cho‘zilgan va balandligi 4 – 5 km ga yetadigan ko‘tarilmalar. 
Tabiat
– kishilik jamiyati kun kechiradigan, inson ta’sir etadigan, 
xo‘jalik faoliyati bilan o‘zaro bog‘langan tabiiy sharoitlar majmuasidir. 
Tekisliklar
 
– quruqlik yuzasining ayrim qismlari bo‘lib, unchalik 
baland ko‘tarilmaydi. Odatda dengiz sathidan past joylarni (balandlik 0 m 
gacha) botiqlar dengiz sathidan 0 – 200 m balandlikkacha joylashganlarini 

---

96 
pastekisliklar, 200 m dan 500 m gacha bo‘lgan balandliklarni qirlar va 
platolar ishg‘ol etadi. 
Tog‘lar
– Yer po‘stining yakka-yakka yoki qator tizmalar, palaxsalar 
shaklida ko‘tarilgan joylari. Odatda 500 m dan yuqori qismlarda tog‘lar 
joylashadi. 400 m dan 1000 – 1200 m gacha – past tog‘lar, 1000 m dan 
2500 – 3000 m gacha – o‘rtacha tog‘lar; 3000 m dan balandlari – baland 
tog‘lar hisoblanadi. 
Toponim
(yunoncha, 
topos – joy, onoma – nom
)
 
– geografik joy 
nomi.
Toponimika
(yunoncha, 
topos – joy, onoma – nom
)
 
– geografik joy 
nomlarini, ularning kelib chiqishi, ma’nosi, o‘zgarishi, talaffuz qilinishi va 
to‘g‘ri yozilishini o‘rganadigan fan.