«РУҲият оламида» Тўгарагини ташкил этиш бўйича тавсиялар

ОДДИЙ БЕШТА ҚОИДАНИ ЁДИНГИЗДА ТУТИНГ!
Қалбингизни ҳасад ва ёмон сифатлардан ҳалос этинг. Ким сизни ҳақ ёки ноҳақ хафа қилган бўлса барчаларини кечириб юборинг.
Қалбингизни ҳавотирлардан ҳалос этинг!
Ҳаётингизни тинч ва ҳотиржаъм ўтказинг ва борига шукр қилинг!
Кўпроқ беринг!
Камроқ кутинг!
Шунда ҳаётингиз гўзал бўлади!

4. Якунлаш.

“Ижобий тилаклар гулчамбари” машқи.

Мақсад: Ижобий установкаларни мустаҳкамлаш.
Машқнинг бориши:
Ўқувчилар ўрниларидан туриб давра ҳосил қилиб туради. Ҳар бир ўқувчи ёнида турган шеригини елкасига қўлини қўйиб ижобий тилакларини билдиради.
Тненер сўзи:
Мана ҳозир ҳар биримиз ёнимиздаги дўстимизга ўз ижобий тилакларимизни билдирдик. Бу тилакларимиз ер юзидаги барча инсонларни яхши тилакларга қўшилиб узилмас занжир ҳосил қилсин.


3.Болалик ва ўсмирлик ёши ҳақида тушунча.
(Давра суҳбати учун тавсиялар)
Психология фанининг муҳим соҳаларидан бири бўлмиш ёш психологияси фани бевосита инсон психологиясининг намоён бўлиши ва ривожланишини турли ёшларда қандай кечиш хусусиятлари, қонуниятлари, механизмларини ўрганади. Психологик хусусиятларни намоён бўлишининг ёш хусусиятлари ўрганилар экан, шуни назарда тутиш керакки, ёш психологиясида турли ёш даврлари бир-биридан сезиларли фарқланади.
Булар: чақалоқлик, илк болалик, мактабгача таълим ёши, кичик мактаб ёши, ўсмирлик, илк ёшлик, ёшлик, етуклик ва кексалик даврларидир. Бу даврларнинг ҳар бири ўзига хос хусусиятларга, сифатларга эга бўлиб, улар бир-биридан одамнинг хронологик ёш кўрсаткичларига кўрагина эмас, балки шу даврда инсон руҳиятида кечадиган ҳодисалар, рўй берадиган ўзгаришлар, унинг руҳиятидаги умумий қонуниятларга кўра ҳам фарқланади. Биз ўсмирлик даври психологияси ҳақида тўхталиб ўтамиз.
Ўсмирлик даври инсонни болаликдан-ёшликка ўтувчи ва ўз навбатида бошқа даврлардан ўзининг нисбатан кескинроқ, мураккаброқ кечиши билан фарқланиб турувчи даврдир. Бу давр тахминан болаларнинг 5-8-синфларда ўқиш пайтларига тўғри келади ва 11-12 ёшдан 14-15 ёшгача бўлган давр оралиғида кечади. Айрим болаларда бу давр 1-2 йил эртароқ ёки кечроқ кузатилиши ҳам мумкин.
Ўсмирлик даври айрим махсус психологик адабиётларда «ўтиш даври», «оғир давр», «инқироз даври» каби номлар билан ҳам аталади. Бу даврнинг «оғирлиги», «кескинлиги», «мураккаблиги» нималар билан асосланади? Ўсмирлик даврининг оғир, мураккаб давр эканлиги кўплаб психологик, физиологик, ижтимоий омиллар билан боғлиқ. Бу даврда ривожланишнинг барча жиҳатлари: жисмоний, ақлий, ахлоқий, ижтимоий ва шу кабиларнинг мазмун моҳияти ҳам ўзгаради. Бу даврда ўсмир ҳаётида, унинг руҳияти, организмининг физиологик ҳолатларида, унинг ижтимоий ҳолатида жиддий ўзгаришлар содир бўлади.
Аксарият ҳолатларда уларда бир-бирига қарамақарши бўлган турли хил анъаналар кузатилади. Бу даврга келиб бола енди «бола» эмас ва шу билан бирга ҳали «катта» ҳам эмас. Унинг ўз-ўзига ва атрофдагиларга нисбатан бўлган муносабатлари бутунлай бошқача характер кашф етиб боради.
Унинг қизиқишлари тизими, ижтимоий йўналганлиги қайтадан шаклланади, ўз-ўзини англаши, баҳолаши, қадриятлари ўзгаради. Унинг учун ўз «мен»и ва шу «мен»нинг аҳамияти ортади.