Rta maxsus ta’lim vazirligi guliston davlat universiteti

Reaksiyani bajarishdaprobirkaga rux tuzi eritmasidan 4-5 tomchi, formiatli bufer aralashma (HCOONa+HCOOH) eritmasidan 2-3 tomchi solinadi va eritmadan sekin-asta H₂S o'tkaziladi.
7. Kaliy geksatsianoferrat (II) — K₄[Fe(CN)₆] rux ioni bilan qo'shaloq - kaliy rux geksatsianoferrat (II) ning oq cho'kmasini hosil qiladi:
3ZnCl₂+ 2K₄[Fe(CN)₆] → Zn₃K₂[Fe (CN)₆]₂↓+ 6KC1
3Zn²⁺+2K⁺ + 2[Fe(CN)₆]^4- →Zn₃K₂[Fe(CN)₆]₂↓
Cho'kma kislotalarda erimaydi, ishqorlarda erib sinkatlar hosil qiladi. Alyuminiy va xrom ionlari bu reaksiyaga xalaqit bermaydi. Biroq reaktivdan ko'proq qo'shilsa, eruvchanligi ancha yuqori bo'lgan Zn₂[Fe(CN)₆] cho'kmasi hosil bo'ladi. Shu bois, uni tomchilatib qo' shish maqsadga muvofiqdir.
Reaksiyani bajarishdarux tuzining 3-4 tomchi eritmasiga shuncha reaktiv qo'shilib, aralashma qaynaguncha qizdiriladi.
8. Kaliy geksatsianoferrat (III) - K₃[Fe(CN)₆] rux ioni bilan xlorid va ammiakda eriydigan jigarrang-sariq tusli cho'kma hosil qiladi:
3ZnCl₂+ 2K₃[Fe(CN)₆] → Zn₃[Fe (CN)]₂↓ + 6KC1
3Zn²⁺ + 2[Fe(CN)₆]^3-→Zn₃[Fe(CN)₆]₂↓

4.5. Qalay (II) kationining reaksiyalari

Qalay birikmalarda ikki va to'rt valentli bo'ladi. Qalay tuzi eritmalari rangsiz. Qalay ionlariga cho'ktirish va qaytarish reaksiyalari ko'proq xosdir.

1. O'yuvchi ishqorlar va ammiak Sn²⁺ ioni bilan ta'sirlashganda, kislotalar va ortiqcha ishqorlarda eriydigan oq rangli amfoter birikma Sn(OH)₂cho'kmasini hosil qiladi:
Sn²⁺ + 2OH^- →Sn(OH)₂↓
3. Sn²⁺ ta'siridan qaytarish reaksiyalari asosida hosil bo'lgan mahsulotlar yordamida qalay (II) ionni topish mumkin. Ma'lumki, Sn⁴⁺/Sn²⁺ juftning normal potensiali (E_o=0,15 B) uning kuchli qaytaruvchi ekanligidan dalolat beradi.