Рта махсус таълим вазирлиги Ўзбекистон республикаси

1-жадвал
Отарларнинг меъёрий хажмлари (бош)

Кўрсаткичлар фермасида	Товар фермасида	Наслчилик фермасида
Майин жунли ва ярим майин жунли совлиқлар	600-800	500-700
Дагал жунли ва ярим дағал жунли совликлар	700-900	600-700
Майин жунли ва ярим майин жунли зотли қўйлар-қўзилари ажратилгандан кейин: Совлиқлар Қўчқорлар Бичилган қўчқорлар	800-900 400-500 900-1200	600-800 250-300 -
Дағал жунли қўйларнинг қўзилари совлиқларидан ажратилганидан кейин: Совлиқлар Қўчқорлар Бичилган қўчқорлар	600-800 500-600 800-1000	500-600 300-40 -
Майин жунли ва ярим майин жунли бичилган қўчқорлар Бир ярим ёшдан юқориси: Насллик қўчқорлар	800-1000 800-1200 200-300 гача	- - 200 гача

Қўйчилик тармоғида фермалар отарлардан кейинги иккинчи ташкилий бирлик бўлиб, улар корхоналарнинг йўналиши, қўйчилик ишлаб чикаришини ҳажмига қараб ҳар хил булиши мумкин. Қўйчилик қўшимча тармок бўлган пахтачилик йўналишидаги хўжаликлар фермаларининг ҳажми 800-1000 бош бўлади.
Махсус қўйчиликка ихтисослашган кишлок хужалик корхоналарида ва қўйчиликка ихтисослашган хўжаликлараро корхоналарда фермаларнинг ҳажми анча катта 1200-1400 бош бўлади.Булардан ташкари, қўйчилик фермалари хажми ишлаб чикаришнинг жадаллашганлик даражаси, ем-хашак етиштириш майдонининг катта-кичиклиги, бириктирилган ер майдонининг ҳолати, яйловларнинг хосилдорлиги, хўжаликдаги чорва бош сонининг озика билан таъминланиши, сув манбалари ва сув билан йил давомида таъминланиши, ем-хашак тайёрлаш, озика тайёрлаш ишларининг механизациялашганлик даражаси, техника ва технологиянинг мукаммаллиги, иморат, қўйхона ва малакали кадрлар билан таъминланиш даражаси каби омилларга богликдир.
Махсус қўйчиликка ихтисослашган хўжаликларда ҳар бир фермада (айрим ҳолларда бўлим ёки участкада) 6 тадан 10 тагача отар жойлашиши мумкин.
Қоракўлчиликка ихтисослашган ва қўйчилик яхши ривожланган фермаларнинг максадга мувофиқ хажми 12000-16000 бош булиши лозим. Мамлакатимизда махсус қоракўлчиликка ихтисослашган хўжаликларнинг хар бирида ўртача 20000 дан 60000 бошгача қўй мавжуддир. Қўйчилик иккинчи даражали тармок. бўлган корхоналарда ўртача бир хўжаликка тўгри келадиган қўйларнинг бош сони хар хилдир: дон етиштирувчи хўжаликларда 4400, пахтачилик хўжаликларида 2300, гўшт ва гўшт-сут етиштирувчи хўжаликларда 1300, бошқа махсулот етиштиришга ихтисослашганларда эса 155 бошдан 385 бошгача. Қўйчилик фермаларининг хажми хўжаликлар ишлаб чикариш шароитига караб хар хилдирки, булар максадга мувофиқ холат эмас. Ишлаб чикариш жадаллашган сари фермалар ҳажми ўзгариб, такомиллашиб бораверади.
Қишлоқ хужалик корхоналарининг қўйчилик фермаларида подани такрор ишлаб чикаришдан асосий максад пода сифатини яхшилаб, қўйчилик махсулотлари микдорини кўпайтириш ва унинг товарлилик даражасини оширишдир.
Подани такрор ишлаб чикариш чорвачиликнинг қўйчилик ва хусусан қоракўлчилик тармоғида ўзига хос хусусиятга эга. Хар бир тармоқнинг ишлаб чикаришига таъсир этадиган бир қанча ўзига хос омиллари бор. Хар бир омилдан фойдаланиш бир ёки бир неча тадбирни амалга оширишни талаб этади. Масалан қўйчиликда подани такрор ишлаб чикаришни илмий жихатдан ташкил этиш тадбирлари тизими асосан қуйидагилардан иборатдир:
- хўжаликнинг ихтисослашишига мос келадиган таркибий кисмга эга бўлиб, бозор талабларига жавоб берадиган ва истеъмолчиларга харид килиниши зарур бўлган, шартнома талаблари бажарилишини таъмин этадиган даражадаги товар махсулоти етказиб берадиган пода таркибини белгилаш;
- чўпон оилаларига бириктирилган отарларни ва қўйлар гурухларини жинси, ёш таркиби, ранги ва қоракўл тери типлари бўйича ташкил этиш;
- совлиқларни қисир колишини олдини олиш;
- эрта бахорги қўзилатишни энг яхши муддатларда ўтказишни таъминловчи сунъий кочириш ишларини ўз вактида тўғри ташкил этиш;
- паст махсулдор совлиқларни ўз вактида яроксизликка чикариш ва улар ўрнини ёш, соғлом ва сермахсул таъмирловчи ургочи қўзилар билан тўлдириш;
- кўйларни йил давомида, хусусан қиш вактида тўла кийматга эга бўлган озикалар билан бокиш;
- қўйларни махсус кўйхоналарда зоотехника коидаларига кўра тўгри саклаш.
Бу омиллар ичида энг асосийси пода таркибини тўғри белгилашдир. Пода таркиби қўйларнинг бош сонини такрор ишлаб чикариш сураътига, уларнинг махсулот бериш даражасига, етиштириладиган махсулот микдори, жун, қоракўл тери ва қўй гўшти таннархига, хўжалик рентабеллигига таъсир этувчи энг мухим омилдир. Пода таркиби кўп жихатдан қўйчиликнинг йўналишига, ишлаб ишлаб чикариш шароитларига боғлиқ бўлади.
Қўйчилик хўжаликлари ўз фермаларининг ихтисослашувига кўра кўй сурувлари таркибини тўғри белгилашлари керак. Бу таркиб қўйларнинг қандай мақсадда асралишига, уларнинг серпуштлигига ҳамда ёшлигида ёки вояга етганида сўйилишига кўра ҳар хил бўлади.
Махсус қоракўлчилик фермаларида подани кенгайтирилган ҳолда такрор ишлаб чиқаришда совлиқларнинг отардаги салмоги товар хўжаликларида 75-80 фоизни, подани тўлдириш учун сақланадиган қўзилар салмоги эса 20-25 фоизни ташкил этиши максадга мувофиқдир. Наслчилик хўжаликларида эса совлиқлар салмоғи 66-70 фоизни, подани тўлдирувчи ва наслга сотиладиган қўзилар салмоги 30-34 фоизни ташкил этиши лозим.
Қўйчилик фермаларида подани такрор ишлаб чикаришнинг асосини пода харакати ташкил этади ва шунинг учун уни тўғри тузиш ниҳоятда мухимдир. Пода харакати хўжаликнинг йиллик ишлаб чикариш топшириғида акс эттирилади. Пода харакати йил бошида (гуруҳлар бўйича) хўжаликда (отарларда) мавжуд қўйлар сони, йил давомида туғилиш хисобига қўйлар сонининг кўпайиб бориши, ёшқўзиларни вояга етган қўйлар гуруҳига ўтказиш ва хўжалик эхтиёжи учун сарфлаш натижасида подада руй берган ўзгаришлар ҳамда йил охирида хўжаликда қанча қўй бўлиши кераклигини кўрсатади.
Йиллик ишлаб чикариш топшириқларида қўй подасининг харакат режаси наслдор қўчқорлар, совлиқлар ва бир ёшдан ошган ургочи тўқлилар, шу йили тугилган ва келгуси йили туғилиши кўзда тутилган қўзилардан иборат гуруҳларга ажратилиб, бир йилга тузилади. Қўйчиликнинг тўгри ривожланиши, махсулот етиштиришнинг кўпайиши, таннархининг пасайиши, мехнат унумдорлиги ва рентабелликнинг ошиши кўп жихатдан подани такрор ишлаб чикаришни тўғри ташкил этишга богликдир.