Рта махсус таълим вазирлиги Ўзбекистон республикаси

График – иш кўлами ва бажарилиш муддати аниқ кўрсатиб тузилган режа.
Давлат буюртмаси – Давлат томонидан муайян маҳсулот турини тайёрлаш ва уни истеъмолчига етказиб бериш, ишлаб чиқариш, ноишлаб чиқариш ва илмий тадқиқот характеридаги маълум ишни бажариш бўйича корхона ва хўжаликларга бериладиган топшириқ.
Давлат ер кадастри – ерларнинг табиий, хўжалик ва ҳуқуқий режими, уларнинг тоифалари, сифат кўрсаткичлари ва баҳоси, ер участкаларининг жойлашган манзили ва ўлчамлари, уларни ер эгаларига, ердан фойдаланувчиларга, ижарачиларга ҳамда мулкдорларга тақсимлаш тўғрисидаги зарур, ишончли маълумотлар ва ҳужжатлар тизимидан иборат.
Давлат мулки – асосий мулкчилик шаклларидан бири. Бозор иқтисодиётига ўтиш муносабати билан иқтисодиётни демократиялаштириш, давлат мулки монополиясини тугатишни тақозо қилади. Давлат мулкининг ҳукмронлик доираси кескин қисқаради. Давлат мулки асосан жамоа мулкига ва хусусий мулкка айлантирилади.
Давлат сув кадастри – сувни миқдор ва сифат кўрсаткичларини ҳисобга олиш, сувдан фойдаланишни қайд қилиш ва ҳисобга олиш маълумотларини ўз ичига олади.
Даромад – корхонанинг соф фойдаси шакли, яъни маҳсулот ёки хизматларни сотишдан тушган умумий даромаднинг ундан барча харажатлар чиқариб ташлангандан кейинги қисми.
Диверсификациялаш – бир-бири билан боғлиқ бўлмаган ишлаб чиқаришларни бир пайтда ҳар томонлама ривожлантириш, маҳсулот турларини кенгайтириш.
Иқтисодий самара– иқтисодий фаолият натижалари ва ушбу натижаларни олиш ҳамда улардан фойдаланиш учун ҳисоблаб чиқилган сарф-харажатлар ўртасидаги хилма-хиллик.
Иқтисодий самарадорлик – тизимнинг фаолият юритишига кетадиган сарф-харажатлар ва унинг натижалари нисбати.
Ижара – мол-мулкни ёллаш бўйича шартнома.
Инвестиция (сармоя) – хусусий ёки давлат капиталини, мулк ёхуд ақлий бойликни миллий (ички инвестициялар) ёки хорижий (ташқи инвестициялар) иқтисодиётга фойда олиш мақсадида узоқ муддатга сарфлаш.
Инновация – янгиликни жорий этиш, 1) техника ва технология авлодларини алмаштиришни таъминлаш учун иқтисодиётга сарфланган маблағлар;
2) илмий-техника тараққиёти ютуқлари натижалари бўлган янги техника, технология. Ихтирочиликнинг ривожланиши, бирор йўналишдаги йирик ихтиро ва кашфиётларнинг майдонга келиши инновациянинг муҳим омиллари ҳисобланади.