Рта махсус таълим вазирлиги Ўзбекистон республикаси

Инфляция – 1) мамлакатда муомалада юрган қоғоз пул миқдорининг хўжалик муомаласи эҳтиёжларидан ҳаддан зиёд ошиб кетиши. Нарх-наво умумий даражасининг кўтарилиши.
2)пулнинг қадрсизланиши.
Инфратузилма– иқтисодиётда ишлаб чиқариш ҳамда аҳолига хизмат қиладиган соҳалар.
Иш вақти – ходим иш тартиби ёки графигига ёхуд меҳнат шартномаси шартларига мувофиқ ўз меҳнат вазифаларини бажариши лозим бўлган вақт.
Иш ҳақи – меҳнат бирлигининг бозор баҳоси бўлиб у шартномада белгилаб қўйилади ва муайян вақт бирлиги ичида бажариладиган ва муайян касб - малака хусусиятларига эга бўлган меҳнатга тўланадиган ҳақ даражасини белгилаб беради.
Ишлаб чиқаришни бошқаришнинг самарадорлиги – ишлаб чиқаришни бошқа-ришнинг мақсадга эришиш учун мўлжалланган ресурслардан фойдаланиш даражаси билан ифодаланадиган самарадорлиги.
Кадастр – 1) объектларнинг баҳоси ва ўртача даромаддорлиги тўғрисидаги маъ-лумотларни ўз ичига олувчи рўйхат;
2) жон бошига олинадиган солиққа тортиладиган кишилар рўйхати.
Квота –умумий ишлаб чиқариш, сотиш, экспорт, импорт ва бошқа иқтисодий фаолият соҳаларида келишув асосида ҳар бир иштирокчи учун жорий қилинадиган ҳисса. Битимларга биноан амалга оширилади.
Контракт – мамлакатлар, фирма, корхона ва бошқалар ўртасида ўзаро ҳуқуқ ва мажбуриятларни ўрнатиш, ўзгартириш ёки тўхтатиш тўғрисидаги икки томонлама ёзма келишув шартнома.
Концепция – тушунчалар ва улар ўртасидаги бирон-бир воқеликни ривожлантириш ва хусусиятларининг асосий йўналишларини белгиловчи алоқалар мажмуи.
Конъюнктура –иқтисодиётнинг умумий ҳолати; уни фан техника тараққиёти, иқтисодий ўсиш, структура силжишлари, экспорт имкониятлари кабилар характерлаб беради. Иқтисодий конъюктура ўзгарувчан, салбий ва ижобий бўлади.
Кредит – пул воситаларини, товар ва хизматларни маълум устама тўлаб қайтариб бериш шарти билан маълум муддатга қарзга бериш.