Ўрта махсус таълим вазирлиги

5-маъруза. МОЙЛИ УРУҒЛАР МАҒИЗИНИ ВА УРУҒЛАРНИ ЯНЧИШ ДАСТГОХЛАРИ

Режа: Уруғ ва мағизни янчиш машиналарининг вазифалари. Янчишда кулланиладиган кучлар ва усуллар. Янчиш станокларининг турлари. ВС-5: вазифаси, схемаси, тузилиши ва ишлаши. Техник курсаткичлари.
Махсулотдаги мой заррачаларини уларни ушлаб турган хужайралардан ажратиб олиш учун майда уруғлар ёки уларнинг мағзи янчилади. Демак, мойли махсулотни янчишдан мақсад унинг ички хужайравий тузилишини бузишдан иборатдир.
Етарли даражада ички структураси бузилган махсулот форпрессланганда кунжаранинг мойлилиги 12-13% дан ошмайди, яъни ичидан яхши бузилган махсулотдан прессланганда мой кўпроқ чиқади.
Мойли уруғлар ва мағизлар янчилганда қуйидаги усуллардан фойдаланилади:

1. Силжишли сиқиш (сжатие со сдвигом);	4. Эзиш (раздавливание);
2. Ишқалаб майдалаш (истирание);	5. Кесиш (срез);
3. Уриш (удар);	6. Ёриш (склывание).

Пахта чигитини ва мағизни янчаётганда силжишли сиқиш, ишқалаб майдалаш, эзиш ва қисман кесиш усуллари қўлланилади.
Уруғларни кўрсатилган усуллар билан янчиш валикли станокларда бажарилади. Бу станокларнинг асосий иш органи - валикларнинг ўрнашиши турлича горизонтал, вертикал ва диагональ жойлашган бўлади.
Ёғ-мой саноатида станокларнинг хамма турлари ишлатилади. Валиклари вертикал ўрнатилган станоклар кам жой эгаллаб, горизонтал валикли станокларга нисбатан янчиш даражаси юқори бўлади. Улар саноатда баргсимон махсулот (лепесток) олиш учун ишлатилиб яссилаш вальцовкаси (плющилная вальцовка) деб аталади. Яссилаш вальцовкаси бир ва икки жуфт валикли бўлади.