Рта махсус таълим вазирлиги

Тадқиқот ишининг мақсади – иқтисодиётни модернизациялаш шароитида иш билан бандлик хизматини ривожлантириш ҳудудий хусусиятларини тадқиқ этиш бўйича илмий асосланган таклиф ва тавсиялар ишлаб чиқишдан иборат. Ушбу мақсаддан келиб чиққан ҳолда диссертация ишининг асосий вазифалари этиб қуйидагилар белгиланди:

• 
  иш билан бандликнинг ижтимоий-иқтисодий моҳияти ва мазмунини ёритиб бериш ҳамда таркибини аниқлаш;
  
• 
  аҳолини иш билан таъминлашни давлат томонидан тартибга солиш усуллари ва воситаларини таснифлаш;
  
• 
  давлат иш билан бандлик хизмати фаолияти баҳолаш мезонлари ва кўрсаткичларини аниқлаш;
  
• 
  Бухоро вилоятида иш билан бандлик ҳолати ва унга таъсир этувчи омилларни таҳлил этиш;
  
• 
  меҳнат бозорини давлат томонидан тартибга солишнинг минтақавий усулларини такомиллаштириш бўйича хулоса ва тавсиялар ишлаб чиқиш.
  

Тадқиқот обекти сифатида Бухоро вилояти иш билан бандлик хизмати субектлари фаолияти ташкил этади.
Тадқиқот предмети бўлиб, иш билан бандлик хизмати субектларининг фаолиятида амалга ошадиган ижтимоий-иқтисодий муносабатлар ҳисобланади.
Тадқиқотнинг назарий ва методологик асоси бўлиб, Ўзбекистон республикаси Қонунлари, республикамиз Президенти Ш.М.Мирзиёев томонидан ишлаб чиқилган “2022-2026 йилларга мўлжалланган Янги Ўзбекистоннинг тараққиёт стратегияси тўғрисида”ги Ўзбекистон Республикаси Президенти Фармони, қарорлари, ижтимоий йўналишдаги бозор иқтисодиётига оид асарлари, аҳолининг иш билан бандлиги, меҳнат бозори, эконометрик моделлаштириш, мақсадли комплекс дастурлар, маркетинг ва социологик тадқиқотлар юзасидан хорижий ҳамда ватанимиз олимларининг олиб борган илмий ишлари хизмат қилди. Диссертацияни тайёрлашда Ўзбекистон Республикаси Вазирлар Маҳкамасининг иқтисодиётни модернизациялаш ҳамда кўп укладли иқтисодиётни барпо этиш ҳақидаги қарорларидан фойдаланилди.
Тадқиқот ишида Ўзбекистон Республикаси иқтисодиёт, бандлик ва меҳнат муносабатлари вазирлиги, Давлат статистика қўмитаси ва уларнинг Бухоро вилоятидаги ҳудудий бошқармаларининг тақдим этган маълумотлари манба сифатида ишлатилди.
Мазкур ишда қуйидаги усуллардан фойдаланилди: иқтисодий-статистик таҳлил, таққослаш, социологик сўров, таққослама таҳлил ва бошқалар.
Тадқиқот ишининг илмий янгиликлари. Тадқиқот ишининг илмий янгиликларини ифодаловчи натижалар қуйидагилардан иборат:

• 
  иш билан бандликнинг ижтимоий-иқтисодий моҳияти ва мазмунини ёритиб берилган ҳамда таркиби аниқланган;
  
• 
  аҳолини иш билан таъминлашни давлат томонидан тартибга солиш усуллари ва воситалари таснифланган;
  
• 
  меҳнат бозорини давлат томонидан тартибга солишнинг минтақавий усулларини такомиллаштириш бўйича хулоса ва тавсиялар ишлаб чиқилган.