Ўрта махсус, касб-ҳунар таълими марказининг 2016 йил “ ” даги сонли буйруғига 2-илова

6.2. Ҳарфий аббревиатураларни (қисқартмаларни) ёзиш тартиби. Битирув малакавий иш матнида умумий равишда қабул қилинган ҳарфий қисқартирмалардан (Бирлашган Миллатлар ташкилоти – БМТ; Ўзбекистон Республикаси – ЎзР; Олий, ўрта махсус таълим вазирлиги – ОЎМТВ; Касб-ҳунар таълими маркази – КҲТМ; Касб-ҳунар таълими тизимини инновацион ривожлантириш педагог кадрларининг малакасини ошириш ва уларни қайта тайёрлаш институти – КҲТТИРПКМОваУҚТИ; ва ҳ.к.) ташқари муаллиф томонидан киритилган ҳарфий қисқартирмалар (касб-ҳунар коллежи – КҲК; Педагогик кенгаш – ПК ва ҳ.к.) берилиши мумкин. Фақатгина у кўп ишлатиладиган иборалар ва сўз бирикмалари учун қўлланилади, холос. Ҳарфий қисқартирмалар маълум билим соҳадаги бирор тушунчани қисқача тушунтиришга ҳамда белгилашга хизмат қилади. Одатда, бундай ҳарфий қисқартирмалар дастлаб тўлиқ ёзгандан сўнг қавс ичида келтирилади ва ундан матнда фойдаланади. Масалан, касб-ҳунар коллежи (КҲК).
6.3. Жадваллар, расмлар ва графикларни расмийлаштириш қоидалари. Битирув малакавий ишнинг таҳлилий қисмларини ёритишда жадвал, расм, график ва чизмалардан атрофлича фойдаланиш лозим бўлади. Катта ҳажмдаги расмлар, чизмалар ёки жадваллар иловада келтирилади.
Жадваллар ва расмлар битирув малакавий иш матнида номланиши ва кетма-кет номерланиши лозим. Жадвалнинг тартиб номери ва унинг номланиши жадвалнинг юқори қисми ўнг бурчагига ёзилади.
6.4. Фойдаланилган адабиётлар рўйхатини расмийлаштириш қоидалари. Фойдаланилган адабиётларни ишнинг сўнгида ягона рўйхатда бериш тавсия этилади. Рўйхат албатта номерланган бўлиши керак. Ҳар бир манба рўйхатда бир маротаба келтирилади. Расмий ҳуқуқий ҳужжатлар: Конституция, қонунлар, Президент қарорлари ва фармонлари, ҳукумат қарорлари ва норматив ҳужжатлар (буйруқ, низом, йўриқнома ва бошқалар) ҳар бир гуруҳ ичида хронологик тартибда жойлаштирилади.
Ҳар бир ҳужжат учун қуйидаги библиографик тавсифнома келтирилиши керак: муаллиф фамилияси, исми, шарифи, номи, мавзу остидаги маълумотнома (дарслик, ўқув қўлланма ва бошқалар), чоп этилганлиги ҳақида маълумот (нашрдан чиққан вақти, нашриёт, нашр йили), миқдорий тавсифнома (китобдаги умумий варақлар сони ёки босма табоғи). Масалан: