Ўрта махсус, касб-ҳунар таълими марказининг 2016 йил “ ” даги сонли буйруғига 2-илова

Касб-ҳунар таълим тизимида халқаро тажрибалар

КҲТ тизими халқаро тажрибаларини битта давлат мисолида ўрганиш (Россия, Қозоғистон, Белорусия, Германия, Япония, Жанубий Корея, Франция, Канада, Бельгия, АҚШ, Сингапур, Финляндия, Туркия, Ҳиндистон ва бошқалар) .

КҲТ хорижий тажрибалари Ўзбекистон КҲТ тизими билан қиёсий таҳлил қилинади ва илғор тажрибаларни ўз таълим муассасасида амалда қўллаш таклифлари ишлаб чиқилади.


1.3. Меҳнат бозори талаблари асосида қабул таклифларини шакллантириш.
Ички ва ташқи меҳнат бозори талаблари ўрганилади. Бунда коллеж таълим хизматлари кўрсатадиган ҳудуд географияси аниқланади. Ушбу ҳудудда коллеж тайёрлайдиган касблар ва мутахассисликлар ишлаши мумкин бўлган мавжуд корхона ва ташкилотлар аниқланади. Ушбу корхона ва ташкилотдаги тегишли касб ва мутахассисликлар бўйича ишловчилар сони ҳамда иш ўринларининг табиий бўшаш фоизи асосида эҳтиёж аниқланади.
Ҳудудда амалга ошириладиган яқин келажакдаги инвестиция дастурлари бўйича ишчи касби ва мутахассисларга бўлган талаб аниқланади. Маълумотлар жадвал кўринишида жамланади.
Тегишли касб ва мутахассисликларга индивидуал эҳтиёжлар асослаб берилади.
Катта ёшдагиларни касбга ўқитиш қисқа курсларига эҳтиёж ўрганилади.
Шуларни инобатга олган ҳолда коллежнинг қабул таклифи жадвал кўринишида шаллантирилади.
Ушбу параграфни ишлаб чиқишда тингловчи Касб-ҳунар таълими ва меҳнат бозори ўқув модули бўйича бажарган мустақил тайёргарлик иши маълумотларидан фойдаланилади.


II. Концептуал ўзгаришлар асосида таълим жараёнини ташкил этиш


2.1 Ўқув фаолиятни ташкил этиш

Тингловчи КҲТ тизимига қўйилаётган янги талаблар асосида таълим жараёнини ташкил этишнинг йўл харитасини ишлаб чиқади.

Бунда тингловчи 2019-2020 ўқув йилидан жорий қилинадиган тизимга кўра таълим муассасасида таълимни ташкил қилиш модули мустақил ишларида белгиланган топшириқлардан келиб чиқиб, касб-ҳунар таълими жараёнини ташкил қилишнинг бир йиллик чора – тадбирлар дастурини ишлаб чиқади.
Тайёрланиши режалаштирилган бир касб ёки мутахассислик бўйича куррикулум ва модул дастурини ишлаб чиқади.
Куррикулумга мувофиқ махсус фан ўқитувчилари ва ишлаб чиқариш таълими усталари билан таъминлаш борасида таълим муассасасидаги ходимларни ривожлантириш фаолияти услубларидан мақбулини танлайди ва асослаб беради. Бунда коллеж педагоглари ва ходимларни фаолиятини рағбатлантириш усуллари, педагоглар ва ходимлар малакасидан самарали фойдаланиш, уларни илмий, методик, шахсий компетенцияларини оширишни ташкил қилиш бўйича таклифлар ишлаб чиқади.
Касб ёки мутахассислик бўйича тайёрлаш ўқув лаборатория ва устахоналарни жиҳозлаш, ўқув дидактик материаллар билан таъминлаш ишларни ташкил қилишда таълимда инновацион муҳитни яратиш ғояларидан фойдаланилади. Яъни инновацион таълим технологиялари турлари (табақалаштирилган, масофавий, ривожлантирувчи ва ҳ.к.) ҳамда уларнинг қўлланилиши бўйича ўқитувчининг инновацион фаолияти кўрсатилади.
Таълимни электрон бошқариш бўйича ўз ғояларини ёритади. Бунда таълимни электрон бошқариш модулидаги мустақил тайёргарлик иши маълумотларидан фойдаланилади.
Шунингдек электрон таълим ресурслари модули бўйича тингловчига берилган мавзудан келиб чиқиб маълумотлар таҳлилий ёритилади.
Таълим сифатини таъминлаш ишларида мазкур модулда таълим сифати ва самарадорлигини ошириш омиллари, таълим сифатига таъсир этувчи омиллар, ўқитувчи ва ишлаб чиқариш таълими усталарининг компетентлигини ривожлантириш, таълим сифатини таъминлаш, компетентликни оширишда ўқув-методик ишлар, интернет тизими ва ахборот коммуникацияларидан мақсадли фойдаланиш имкониятлари, таълим сифати ва самарадорлигини таъминлашга доир инновацион ёндашувлар ҳамда илғор тажрибалар бўйича маълумотларни ўз таълим муассаси мисолида амалга оширилишини кўрсатиб беради.