Ro‘yxatga olindi

Fanning o‘quv rejadagi boshqa fanlar bilan o‘zaro bog‘liqligi

Organik birikmalarning tuzilish nazariyasi fanini talabalarning etarlicha o‘zlashtirib olishlari uchun organik kimyo, organik kimyo usullari, kvant kimyosi, fizikaviy kimyo, fizikaviy tadqiqot usullari, koordinatsion birikmalar kimyosi fanlaridan etarlicha ma’lumotlarga ega bo‘lishlari lozim. Organik birikmalarning tuzilish nazariyasi fani magistraturada o‘qitiladigan “Geterotsiklik birikmalarning tanlangan boblari”, “Organik sintez”, “Dinamik stereokimyo va konformatsion analiz”, “Organik funksional analiz”, “Neftkimyoviy sintez”, “Organik birikmalarning biologik faolligi”, kabi fanlarni o‘zlashtirishda asos bo‘lib xizmat qiladi.

Fanni o‘qib tugatgan bakalavr o‘zida fan bo‘yicha yuqorida ta’kidlab o‘tilgan bilim va ko‘nikmalarni shakllantirgan bo‘lishi bilan birgalikda, olgan bilim va ko‘nikmalarini o‘zining keyingi faoliyatida qo‘llay olishi lozim. Pedagog sifatida maktab, litsey, kollej va oliy o‘quv yurtlarida o‘quvchi va talabalarga organik birikmalarning tabiatda uchrashi, olinishi, fizik-kimyoviy xossalari, tuzilish nazariyalari haqida bilimlarni etkazib berishi lozim. O‘quvchi va talabalarga organik birikmalarning fizik-kimyoviy xossalarini tushuntirib berishda, organik birikmalarda boradigan reaksiyalarning yo‘nalishi, hosil bo‘lgan mahsulotlar xossalarida o‘zgarishlarni nazariy asoslab berishda organik kimyo fanidan olgan bilimlaridan foydalaniladi.
Keyingi faoliyatida ishlab chiqarish korxonalarida, kimyoviy analiz laboratoriyalarida faoliyat yuritadigan talabalar organik kimyo fanidan olgan nazariy va amaliy bilimlarini korxonada yo‘lga qo‘yilgan ishlab chiqarish mahsulotlarining sifatini yaxshilashda, ishlab chiqarishni boshqarishda, ishlab chiqarilgan mahsulotlarning sifatini tekshirishda foydalaniladi.


Fanni o‘qitishda zamonaviy axborot va pedagogik texnologiyalar

“Organik birikmalarning tuzilish nazariyasi” fanini o‘zlashtirish uchun o‘qitishning ilg‘or va zamonaviy usullaridan foydalanish, o‘quv jarayoniga yangi informatsion va pedagogik texnologiyalarni tadbiq etish katta ahamiyatga ega. Fanni o‘zlashtirishda darslik, o‘quv va uslubiy qo‘llanmalar, ma’ruza matnlari, tarqatma va elektron materiallar, modda namunalari, modellar, tajribalar, sxemalardan foydalaniladi. Mashg‘ulotlarda mos ravishdagi ilg‘or pedagogik texnologiyalar qo‘llaniladi.