«RO’yxatga olindi» «tasdiqlandi» O’zbekiston Respublikasi

Fanni o’qitish bo’yicha talabalarning bilim ko’nikma va mahoratlariga qo’yiladigan talablar

“Iqtisodiyot nazariyasi” fani bo’yicha talabalar bilimiga qo’yiladigan umumiy talablar dasturga kiritilgan har bir mavzudagi muammolarni o’zlashtirish va ular bo’yicha mustaqil fikr yuritish darajasi bilan belgilanadi. Bu darslik va o’quv qo’llanmalar xarakteridagi adabiyotlarni o’zlashtirish bilan birga, Prezident I.Karimov asarlari va ma’ruzalarini, Respublika Oliy Majlisi tomonidan qabul

qilingan iqtisodiyotga tegishli qonunlar va Vazirlar Mahkamasi chiqargan me’yoriy hujjatlarni o’rganishini ham taqozo qiladi.

Talabalar iqtisodiyot nazariyasi fanining vujudga kelishi va uning rivojlanishining asosiy yo’nalishlari haqida hamda ularning asosiy g’oyalari to’g’risida yaxshi tasavvurga ega bo’lishi kerak. Iqtisodiy hodisalar va jarayonlarning o’zaro aloqa va bog’liqligini, resurslarning cheklanganligini va aholi faravonligini oshirish maqsadida ulardan muqobil foydalanish usullarini bilishi lozim. Bakalavrlar mazkur fanni o’rganish jarayonida olgan bilimlarini umumlashtirish, undan to’g’ri xulosa chiqarish va kelajakda amaliyotda undan foydalana oladigan bo’lishi kerak.

Seminar mashg’ulotlari bo’yicha bajariladigan ishlarning minimal miqdoriga talablar

Seminar mashg’ulot mavzulari namunaviy dastur asosida belgilanib, har bir mavzuga kiritilgan savollar va tavsiya qilingan adabiyotlar ro’yxati bilan birga alohida uslubiy qo’llanma shaklida ko’paytiriladi. Seminar mavzusi rejasidagi savollar dastur doirasida tuzilib, ma’ruzada bayon qilinadigan masalalar bilan mazmunan bir xil bo’lsa - da, shaklan ularni takrorlamaydi.