Rondo II [fr rondeau < rond — dumaloq, doiraviy] 1

SERTIFIKAT
[fr. certificat < lot. sertum — aniq, to‘g‘ri, rost + facere — qilmoq] 1 Davlat organlarining moliyaviy qarz (zayom) majburiyati; shuningdek, ko‘rsatuvchiga beriladigan davlat zayomlari obligatsiyalari va qimmatdor bank qog‘ozlari. 2 Omonatchining, belgilangan muddat o‘tgach, bankka qo‘yilgan omonat summasini hamda uning foizlarini olish huquqi haqidagi yozma hujjat. 3 Tashqi savdo amaliyotida: tegishli vakolatli organlar tomonidan beriladigan va tovarning sifati, og‘irligi, ishlab chiqarilgan joyi va xususiyatlarini tasdiqlaydigan hujjat. Mahsulot sertifikati. 4 Biror narsa, voqea haqidagi rasmiy yozma guvohnoma; diplom. M: Shayxontohur tumanida kompyuter savodxonligi bo‘yicha tashkil etilgan kursni yakunlagan yoshlarga sertifikatlar topshirildi. Gazetadan.
	SIGARETA, sigaret	[fr. cigarette — kichik sigara] Bor bo‘yicha tamaki tiqilgan, mushtuksiz, shuningdek, zararli moddalar ta’sirini kamaytirish maqsadida maxsus filtr bilan ta’minlangan qog‘oz naycha. Sigareta tutatmoq. Filtrli sigaret. M: Axmad koridorga chiqib, cho‘ntagidan sigaret olib tutatdi. F. Musajonov, Himmat. Solih chekayotgan sigaretasining kulini qoqar ekan, uzilib qolgan gapini davom ettirdi. O. Mo‘minov. Xiyobondagi uch uchrashuv.
	SIGNALIZATSIYA	[fr. signalisation -belgilarni masofaga uzatish < signum — belgi] Signallar sistemasi va signal beruvchi asboblar, qurilmalar majmui. Avtomatik signalizatsiya. Signalizatsiya va aloqa vositalari. M: [Signalizatsiya] Vazifasiga qarab, avariyaning oldini olish, chaqirish, buyruq berish, o‘t o‘chirish, qidirish, ogohlantirish uchun mo‘ljallangan signalizatsiya-larga bo‘linadi. «O‘zME».
	SILUET	[fr. silhouette — yondan ko‘rinishi soyaga o‘xshatib karikaturasi chizilgan fransuz davlat arbobi Ede Siluet (18-asr) nomidan] 1 Shakl va narsalarning tekis yuzada yaratilgan bir tusdagi tasviri. 2 Narsalar va qiyofaning uning soyasiga o‘xshatib chizilgan shakli. Siluet bilan Ger-maniyada F. O. Runge, A. Mensel, P. Konevka; Rossiyada F.P. Tolstoy, E.M. Bem va bosh-qalar shug‘ullangan. «O‘zME». 3 ko‘chma Sharpa, qora, ko‘zga chalingan narsa. Tog‘ silueti. M: Chiroq shu’lasida ikki xotinning yuzi, burunlari bir-biriga tegar darajada yaqin. Chetdan qora siluetday ko‘rinar edi. A. Muxtor. Opa-singillar. Ko‘chadan kuzatgan kishi ko‘ziga ahyon-ahyonda uyning u yoq-bu yog‘iga yurayotgan kishi silueti chalinadi. Gazetadan.