Rondo II [fr rondeau < rond — dumaloq, doiraviy] 1

STAJ
[fr. stage] 1 Biror sohadagi ish-faoliyatning davomiyligi, umumiy muddati, vaqti. Mehnat staji. M: Ular mening «ikki yil o‘qishga kirolmay, bir shamollab, staj orttirgani» kelganimga chippa-chin ishonishdi. S. Siyoev, Yorug‘lik. 2 Yangi ishga kirgan kishining biror ishda, sohada amaliy tajriba orttirishi, rahbariyat tomonidan uning qobiliyatiga baho berilishi uchun belgilangan vaqt. Bu ishda mening stajim yo‘q.
	STAJYOR	[fr. stagiaire] Keyinchalik muayyan lavozimda ishlash uchun sinov muddatini o‘tayotgan va ta’lim olayotgan kishi
	SUVENIR	[fr. souvenir — xotira; yodgorlik] Esdalik uchun beriladigan, biron mamlakat, shaharga qilingan safardan es-dalik bo‘lib qolgan yoki qoladigan badiiy hunarmandlik butomi, sovg‘a. Suvenirlar magazini. Suvenir olmoq Galina Vasilevna suvenir figuralarning nodir kolleksiyasini yaratdi. Gazetadan
	SUVEREN I	[fr. souverain — oliy] Xalqaro huquqda: mustaqil oliy hokimiyat egasi.
	SUVERENITET	[fr. souverainete — oliy hokimiyat] Xalqaro huquqda: davlatning ichki ishlarni olib borishda va tashqi munosabatlarda boshqa davlatlardan to‘la mustaqilligi. Davlat suvereniteti. Millat suvereniteti. O‘zbekiston Respublikasining Konstitutsiyasida davlat suvereniteti alohida bobda o‘z ifodasini topgan. «O‘zME».
	SUFLYOR	[fr. souffleur < souffler — uqtirmoq, o‘rgatmoq; sekin aytib turmoq] Teatrda sahnaga chiqqan artistlarga ularning so‘zlarini, tomoshabinlarga ko‘rinmaydigan maxsus joyda turib, aytib berib, eslatib turuvchi xodim. Tajribali suflyor. Suflyor budkasi. Teatrimizda: rejissyor, kostyumer, suflyor hammasi— bor faqat rahbar yo‘q. SH. Sa’dulla, Ikki bilaguzuk.
	SYUJET	[fr. sujet < lot. subjectum — predmet, mazmun, mohiyat, narsa] 1 Badiiy asarda, filmda voqea-hodisalar tasviri, bayonidagi izchillik va o‘zaro aloqa; badiiy asar mazmuni. Romanning syujeti. Pesaning syujeti. Badiiy asar syujeti tasvirlanayotgan voqelik va asarda ishtirok etadigan qahramonlar masalasiga bevosita bog‘liq. «O‘zME». 2 Tasviriy san’atda: tasvir ob’ekti, predmeti.
	SYUITA	[fr. suite — qator, izchillik] Umumiy badiiy mazmun, g‘oya, dastur ostida birlashtirilgan, ketma-ket keluvchi bir necha (odatda kontrast) mustaqil qismlardan tashkil topgan musiqa asari; musiqiy janr. O‘zbekiston kompozitorlaridan.. M. Burhonov, M. Ashrafiy, S. Yudakov, D Soatqulov kabilar simfonik va o‘zbek xalq cholg‘u asboblari orkestri, shuningdek, fortepiano va boshqa sozlar uchun turli syuitalar yaratishgan. «O‘zME».
	TABLETKA	[fr. tablette — kulcha] Bo‘laklarga bo‘lingan, tugmachasimon qattiq dori. Xinin tabletkasi. Tabletka yutmoq
	TABLO	[fr. tableau — surat, tasvir, kartina; e’lonlar taxtasi] Tekshirish ob’ektining ahvoli yoki musobaqaning borishi va natijalari, tijorat xabarlari va e’lonlari yozib ko‘rsatib turiladigan signal taxtasi. Temir yo‘l tablosi. M: Kuyib-pishib darvozaga kim to‘p kiritdi-yu, qaysi anqov darvozabon o‘z darvozasiga kelgan to‘pni ushlolmay qoldi — bularning hammasini tablo hisobga olib turadi. G‘. Mahkamov, Tablo qissasi