Restoran biznesini shakllanishining o’ziga xos xususiyatlari

Ofitsiantlar xizmatini tashkil etishga qo`yiladigan talablar. «Coriander » restorani faoliyatida ofitsiantlar xizmat ko`rsatsada, lekin ular xizmat ko`rsatishning yakka tartibdagi usulidan foydalanishadi. Bizga ma‘lumki bu usuldan foydalanish yuqori malakaga ega bo`lgan, o`ta tajribali ofitsiantlargagina qo`l keladi. Chunki ular barcha operatsiyalarni mukammal bilishadi. Lekin restoranda faoliyat yurituvchi ofitsiantlarning ko`pchiligi etarlicha malakaviy tajribalarga ega bo`lmaganligi sababli, xizmat ko`rsatish jarayonida ba‘zi bir texnologik uzulishlarning vujudga kelishi va natijada mijozlarning xaqli ravishda noroziliklarini paydo bo`lishiga sabab bo`lmoqda.

Shu bois, restoran faoliyatidagi ofitsiantlar xizmatini yaxshilash maqsadida xizmat ko`rsatishning progressiv usullaridan biri bo`lgan zveno yoki brigada usulini joriy etish lozim deb hisoblaymiz. Xizmat ko`rsatish jarayoniga brigada usulining joriy etilishi o`z navbatida ofitsiantlar o`rtasida ko`zga tashlanadigan ba‘zi bir kamchiliklarning bartaraf etilishiga va xizmat ko`rsatish sifatining oshishiga olib keladi. Bu usulda xizmat ko`rsatilganda, amalga oshiriladigan servis operatsiyalari ofitsiantlar o`rtasida ularning malakaviy mahoratlarini hisobga olgan holda taqsimlanadi va shu tariqa yuqoridagi kamchiliklar bartaraf etiladi. Mijozlarga xizmat ko`rsatishda servis operatsiyalarining tezkorligi juda muhim ko`rsatgich hisoblanadi.

Xalqaro me‘yorlarga ko`ra, restoranlarda va ovqatlanish zallarida mijozlarga xizmat ko`rsatishning vaqti belgilangan bo`lib, bu ko`rsatkich qo`yidagi jadvalda keltirilgan.

2– jadval