Respublikasi oliy va o’rta maxsus ta’lim vazirligi namangan muhandislik-pedagogika

Qirqish qoidalari. Qirqiladigan zagatovkani tiskiga juda puxta mahkamlash kerak, aks xolda qirqish paytida surilib ketib, polotnoni sindirishi mumkin.

Arrani oldinga yurgizish paytida, ya’ni ish yo’lida arra ikkala qo’l bilan bosiladi, bunda chap qo’lning asosiy kuchi bosishga, o’ng qo’lning asosiy kuchi esa arrani oldignga surishga sarflanadi. Arrani orqaga, ya’ni salt yurgizganda u bosilmaydi. Arrani ravon va bir me’yorda yurgizish kerak. Materialning qattiqligiga qarab arra kuchliroq yoki kuchsizroq bosiladi. Ishqalanishni kamaytirish uchun arra polotnosini mineral moy bilan moylash mumkin. Dumaloq, kvadrat, olti yoqli chiviqlarni arralashda arra gorizontal ushlanadi, dekin bunda polotno yo’lida o’tkir burchaklari uchramasligi kerak.

Keng sirtli buyumlarni qirqishda arra galma-gal orqa va old yoqlariga qiyshaytiriladi, bunda buyum butun eni bo’ylab qirqilmagani uchun arralash osonlashadi.
Listdan polosa qirqib olish uchun arra polotnosi 90⁰ buriladi va arrani gorizontal ushlab qirqiladi.
Juda yupqa material 15-30 mm qalinlikda ikkita yog’och burchak orasiga qisiladi va ular bilan birgalikda mayda tishli polotno yordamida arralanadi.
Plastik massalardan tayyorlangan detalь va zagatovkalar lentasimon arralar bo’laklaridan tayyorlangan dastaki keskichlar, arralar bilan qirqiladi. Arra bilan qirqishda asosiy brak qiyshiq qirqish xisoblanadi. Metallni stanoklarda qirqishda kesimi 250 mm gacha bo’lgan metallarni qirqishga imkon beradi.
Qaychilar bilan qirqish. Metallni qaychilar bilan qirqish juda unumli bo’lib, u istalgan shakldagi detallni qirindi yo’nmay qirqishga imkon beradi, lekin katta kuch ishlatishni talab
etadi.
Dastaki qaychilar bilan yupqa listaviy material: 0,5-0,7 mm qalinlikdagi po’lat, tombop
tunuka, 1,5 mm gacha qalinlikdagi rangli metallar qirqiladi. Qaychilar chapaqay va o’ngaqay bo’ladi. Asosan o’ngaqay qaychilar ishlatiladi, ularda pastki tig’ning qiyaligi o’ng tomonda yotadi. CHapaqay qaychilar bilan egri chiziqli detallar detallar qirqiladi. Egri tig’li qaychilar list va trubalarda shakldor teshiklarni ochish uchun ishlatiladi.
Richagli qaychilar bilan 4 mm gacha qalinlikdagi listaviy metallni qirqish uchun ishlatiladi.