Respublikasi oliy va o’rta maxsus ta’lim vazirligi andijon mashinasozlik instituti

8.Quyidagi jismoniy shaxslar soliq solishdan ozod qilingan (Soliq
kodeksi 180-modda).

• 
  xorijiy davlatlar diplomatik vakolatxonalarining boshliqlari va xodimlari, konsullik muassasalarining mansabdor shaxslari, ularning o’zlari bilan birga yashaydigan oila ahzolari;
  
• 
  xorijiy davlatlar diplomatik vakolatxonalari va konsullik muassasalarining mahmuriy-texnik xodimlari hamda ularning o’zlari bilan birga yashaydigan oila ahzolari;
  
• 
  xorijiy davlatlar diplomatik vakolatxonalariga, konsullik muassasalariga xizmat ko’rsatadigan xodimlar tarkibiga kirgan shaxslar;
  
• 
  xorijiy davlatlar diplomatik vakolatxonalari va konsullik muassasalari xodimlarining uylarida ishlovchilar;
  
• 
  xalqaro nohukumat tashkilotlarning mansabdor shaxslari;
  
• 
  yakka tartibdagi tadbirkor bilan mehnat munosabatlarida bo’lgan shaxslar - yakka tartibdagi tadbirkor bilan tuzilgan mehnat shartnomasiga ko’ra bajargan ishlari uchun olgan daromadlari bo’yicha.
  

Quyidagi jismoniy shaxslar har oy uchun eng kam ish haqining
4 baravari miqdoridagi daromadlar bo’yicha soliqdan ozod qilinadi:

• 
  O’zbekiston Qahramoni, Sovet Ittifoqi Qahramoni, Mehnat Qahramoni unvonlariga sazovor bo’lgan shaxslar, uchala darajadagi SHuhrat ordeni bilan taqdirlangan shaxslar;
  
• 
  urush nogironlari va qatnashchilari, shuningdek doirasi qonun hujjatlari bilan belgilanuvchi ularga tenglashtirilgan shaxslar;
  
• 
  bolalikdan nogiron bo’lib qolganlar, shuningdek I va II guruh nogironlari. Imtiyoz pensiya guvohnomasi yoki tibbiy-mehnat ekspert komissiyasining mahlumotnomasi asosida beriladi;
  
• 
  sobiq SSSRni, O’zbekiston Respublikasining konstitutsiyaviy tuzumini himoya qilish yoki harbiy xizmatning yoxud ichki ishlar organlaridagi xizmatning boshqa majburiyatlarini bajarish chog’ida yaralanganligi, kontuziya bo’lganligi yoki shikastlanganligi oqibatida yoxud frontda bo’lish bilan bog’liq kasallik tufayli halok bo’lgan harbiy xizmatchilarning hamda ichki ishlar organlari xodimlarining ota-onalari va beva xotinlari (beva erlari).
  
• 
  ikki va undan ortiq o’n olti yoshga to’lmagan bolalari bor yolg’iz onalar;
  
• 
  ikki va undan ortiq o’n olti yoshga to’lmagan bolalari bor va boquvchisini yo’qotganlik uchun pensiya olmaydigan beva ayol va beva erkaklar;
  
• 
  bolaligidan nogiron bo’lgan, doimiy parvarishni talab qiladigan farzandi bilan birga yashab, uni tarbiyalayotgan ota-onadan biri.