Respublikasi oliy va o’rta maxsus ta’lim vazirligi andijon mashinasozlik instituti

O’zbekiston Respublikasi hududi realizatsiya qilish joyi deb ehtirof etilmaydigan tovarlar bo’yicha to’langan QQS hisobga olinmaydi. (SK-219-moddasi)

Ilgari hisobga olingan qo’shilgan qiymat solig’i quyidagi hollarda hisobga olishdan chiqarib tashlanishi kerak: (SK-220-moddasi)

QQSdan ozod qilingan tovarlar ishlab chiqarish uchun foydalanilayotgan tovarlar bo’yicha;
qonun hujjatlariga muvofiq vakolatli organ tomonidan tasdiqlangan normalardan, bunday normalar mavjud bo’lmaganda esa soliq to’lovchi tomonidan tasdiqlangan normalardan ortiqcha moddiy resurslar bo’yicha yo’qotishlar va buzilishlar;
issiq suv tahminoti (hisobga olish asboblari mavjud bo’lmagan taqdirda) va markaziy isitish uchun tasdiqlangan istehmol normalaridan ortiq miqdorda aholiga yetkazib beriladigan issiqlik energiyasi bo’yicha.
QQS to’lovchi soliq solishning soddalashtirilgan tartibiga (QQS to’lamaydiganlar toifasiga) o’tganda ilgari hisobga olingan tovar-moddiy zaxiralar qoldiqlari, shuningdek tayyor mahsulot qoldiqlari bo’yicha hisobga olishga kiritilgan qo’shilgan qiymat solig’i summasiga tuzatish kiritiladi.
QQS to’lash bo’yicha imtiyoz berilganligi munosabati bilan soliq solinmaydigan oborotlar yuzaga kelgan soliq to’lovchilarga ham tuzatish kiritishning shunga o’xshash tartibi tatbiq etiladi.
Hisobga olinadigan qo’shilgan qiymat solig’i summasiga tuzatish kiritish shunday hollar yuzaga kelgan soliq davrida amalga oshiriladi.
Soliq solinmaydigan oborot uchun foydalaniladigan tovarlar bo’yicha mahsulot yetkazib beruvchilarga va import bo’yicha to’lanishi lozim bo’lgan (to’langan) qo’shilgan qiymat solig’i hisobga olinmaydi, balki ushbu tovarlarning qiymatida hisobga olinadi. (SK-221-moddasi)

Soliq solinadigan va soliq solinmaydigan oborot mavjud bo’lganda soliq solinadigan oborotga, shu jumladan nolg’ darajali stavka bo’yicha soliq solinadigan oborotga, shuningdek yuridik shaxsning o’z ehtiyojlari uchun (xarajatlar sifatida qaraladigan) oborotga to’g’ri keladigan QQS summasi hisobga olinadi.

Hisobga olinadigan summa QQS to’lovchining tanloviga binoan alohida-alohida yoki mutanosib usulda aniqlanadi.