Республикаси олий ва ўрта махсус таълим вазирлиги

Фан бўйича ўқувчиларнинг малакаларига қўйиладиган талаблар:

• 
  хўжалик юритувчи субъектларнинг бухгалтерия ҳисобини ташкил этишнинг меъёрий хуқуқий асослари хамда ҳисоб сиёсатини қўллай олиш;
  
• 
  хўжалик юритувчи субъект хўжалик муомалаларини ҳужжатлаштириш хамда ҳужжатларни расмийлаштириш;
  
• 
  бухгалтерия ҳисоби счётларида хўжалик муомалаларини акс эттириш;
  
• 
  хўжалик юритувчи субъект хўжалик маблағлари ва улар манбаларини бахолаш;
  
• 
  турли дебитор ва кредиторлар билан ҳисоблашишлар, бюджетдан ташқари маблағлар ҳисоби, мол-мулк ва молиявий мажбуриятларни инвентаризацияси ва улар натижаларини ҳисобга олишни амалга ошириш;
  
• 
  хўжалик юритувчи субъект ва ташкилотларнинг бухгалтерия ҳисоботларини тузиш.
  

Фаннинг ўқув режадаги бошқа фанлар билан ўзаро боғлиқлиги, услубий жиҳатдан узвийлиги ва кетма-кетлиги.
Фаннинг ўқитилиш семестри намунавий ўқув режадан келиб белгиланади, фаннинг ўзлаштирилиши яхши самара беришини назарда тутган ҳолда, уни умумкасбий ва махсус фанлар асосий мавзуларини ўзлаштирилгандан сўнг, 2 курсларда ўтилиши тавсия қилинади.
Дастурни амалга оширишда ўқув режада режалаштирилган фан блоклари кесимидаги фанлар таркиби қуйидагича:
Умумтаълим фанлари: Иқтисодиёт асослари.
Умумкасбий фанлар: Иқтисодиёт назарияси, микроиқтисодиёт, статистика, маркетинг ва менежмент асослари, солиқ тизими, пул муомаласи ва кредит, тадбиркорлик ва бизнес асослари.
Мутахассислик фанлари: бухгалтерия ҳисоби назарияси, молия бозори ва биржа иши, бухгалтерия ҳисоби, таннарх калькуляцияси, аудит, тармоқ технологияси, иқтисодий таҳлил.
Машғулотларнинг ўтилиш кетма-кетлиги мавзуларнинг мураккаблашиш даражаси, уларнинг долзарблиги ва мантиқан боғликлигидан келиб чиққан ҳолда ишлаб чиқилди ва фаннинг мавзуий тақсимланишида келтирилди.
Фанни ўқитишда замонавий ахборот-коммуникация технологиялари (мультимедиали компьютер мажмуаси, проектор, кодоскоп)лардан, янги педагогик технологиялар (ақлий ҳужум, кичик гуруҳларга бўлиниб ишлаш, кейс-стади, брейн-ринг. иш ўйинлари, баҳс-мунозара, занжир, шажара дарахти ва бошқалар)ни қўлланилиши тавсия этилади.