Республикаси олий ва ўрта махсус таълим вазирлиги наманган муҳандислик-технология институти

3.Халқаро ландшафт архитекторлари федерацияси. Иккинчи жаҳон урушидан сўнг ландшафт санъати ривожланишида янги муҳим босқич бошланди. У инсоннинг табиий муҳитга таъсирининг кескин ўсиши ҳавфи билан боғлиқ - тропик ўрмонларнинг йўқ бўлиб кетиши, қумли чўлларнинг бостириб кириши, жаҳон океанининг ифлосланиши ва бошқалар. Айниқса, табиий муҳитнинг деграцияси гигант шаҳарларда кескин билинади. Бу шароитларда ландшафт архитекторларининг роли турли хил ландшафт муҳитларини шакллантириш ва ўзгартиришда янада кенгроқ қатнашувида ифодаланади. 1948 йили Англияда Кембридж шаҳрида 9 мамлакат вакиллари Халқаро ландшафт архитекторлари федерациясига (ИФЛА) асос солдилар. Бу касб тан олинди ва БМТ қошида Халқаро меҳнат ташкилоти официал касблар рўйхатига киритилган. Ҳозир ИФЛА фаолиятида барча континентлардан 50 дан ортиқ мамлакат вакиллари иштирок этмоқда, уларнинг кўпчилигида ландшафт архитекторлари тайёрланади. Ҳар йили ИФЛА конгресслари ўтказилади, уларнинг ҳар бири долзарб замонавий муаммолардан бирига бағишланади.
НАЗОРАТ УЧУН САВОЛЛАР
1. Ландшафт санъати назарий асослари нималардан иборат.
2. Халқаро ландшафт архитекторлар федерацияси қачон тузилган.
3. Лндшафтли боғларнинг номлари ва уларнинг аҳамияти ҳақида изох беринг?


9-МАВЗУ: ЛАНДШАФТ КОМПОЗИЦИЯСИ ВОСИТАЛАРИ РАНГЛАР ФОНИ ВА ГАРМОНИЗАЦИЯСИ АРХИТЕКТУРА ЭЛЕМЕНТЛАРИ.
Режа

1. 
   Ландшафт композициясини режалаштириш.
   
2. 
   Шаҳарларда ландшафт санъати ва курилиши.
   
3. 
   Аҳоли яшаш жойларини кўкаламзорлаштиришнинг категориялари.
   

• 
  Ландшафт композициясини режалаштириш. Ҳозирги замон ландшафт санъатида бир нечта йўналишлар мавжуд:
  
• 
  1. «Ландшафт режалаштириш» жуда катта аҳамиятга эга, у турли хилдаги ландшафт муҳитлари билан тегилмаган қуриқхоналар табиатидан инсон томонидан интенсив эксплуатация қилинаётган табиий туманларгача – узвий боғлиқдир. Ландшафт санъатини режалаштириш масалалар доирасига яна қуйидагилар кирадилар: бузилган ландшафтларни тиклаш; йўл ва йўл иншоатларини трассалаш ва лойиҳалаш; саноат ва қишлоқ хўжалик худудларини, дам олиш, туризм қисмлари ва бошқа тузилишлар ландшафтини ташкил этиш.
  

Охирги йилларда худудий ландшафт режалаштиришга қизиқиш анча ўсди. Масалан, ландшафт – рекреацион туманлар ривожланишини режалаштириш; туманни режалаштириш тузилмаларида ландшафт муҳитини шакллантириш ва х.к.