Respublika Ta'lim Markazi

M ustahkamlash uchun savol va topshiriqlar •

1. 
   Qo‘l ishlarini bajarishda ish o‘rni qanday tashkil etiladi?
   
2. 
   Ish stolida to‘g‘ri o‘tirish qoidalarini aytib bering.
   
3. 
   Qo‘l ishlarini bajarishda qanday asbob-uskunalar va moslamalar kerak
   

bo‘ladi?

4. 
   Qo‘l ishlarini bajarishda qanday texnika xavfsizligi qoidalariga rioya qilinadi?
   

QO‘L CHOKLARI. QO‘L CHOKLARIDAN NAMUNALAR TIKISH
B uyum tikishda vaqtinchalik va doimiy qo‘l choklaridan foydalaniladi. Vaqtinchalik qo‘l choklari buyumning biron-bir detalini kerakli o‘ringa qo‘yishda, masalan, cho‘ntak, yoqa, yeng, manjet, burmalarni joylashtirishda, vitochka o‘rnini ko‘chirishda ishlatiladi. Doimiy qo‘l choklari esa yashirin qaviq orqali buyumning etak qismini, yeng uchlarini qayirib tikishda, izma, tugma o‘rnatishda hamda bezak chok sifatida foydalaniladi.
Qaviq tikish uchun igna gazlamaga sanchilganjoydan chapda salqi hosil qilinadi, igna shu salqilikdan o‘tkaziladi va chap qo‘lning bosh barmog‘i oldida sirtga chi- qariladi. Bu payt o‘ng qo‘lning jimjilog‘i bilan detal stolga bosib turiladi. Bosh va ko‘rsatkich barmoqlar bilan esa igna gazlama o‘ngiga chiqariladi va qaviq tortiladi. Shu tarzda qaviq hosil qilish jarayoni takrorlanadi. Ignani gazlamaga har xil usulda sanchish mumkin. Shuning uchun qaviqlar ham har xil chiqadi.Qo‘lda bajariladigan qaviqlar besh xil bo‘ladi: to‘g‘ri, qiya, iroqisimon, halqasimon va izma qaviqlar.
Qo‘l choklarini tikishda quyidagi qoidalarga rioya qilish kerak:

1. 
   Gazlamadagi bo‘r chizig‘ining qalinligi 0,1 cm dan oshmasligi kerak.
   
2. 
   Vaqtinchaliktikilganqaviqqatorochrangdagi ipdatikiladi.
   
3. 
   Qaviqqator uzunligi chok turiga qarab, 1 cm ichida 3-5 ta chok bo‘ladi.
   
4. 
   To‘g‘ri chokli doimiy qaviqqator ipi tikib bo‘lingandan keyin mustahkamlanadi.
   
5. 
   Salqi qaviqqatorli va vaqtinchalik ko‘klash choklari tikilgach mustah- kamlanmaydi, bu choklar baxyaqator yurgizilgandan keyin olib tashlanadi.