Respublika sport musobaqasini tashkil etish va oʻtkazish toʻgʻrisida nizom I. Umumiy qoidalar

---

Respublika sport musobaqasini tashkil etish va oʻtkazish toʻgʻrisida
NIZOM 
 
I. Umumiy qoidalar
1. Mazkur Nizom Respublika sport musobaqasi (keyingi oʻrinlarda – 
musobaqa)ni tashkil etish va oʻtkazish tartibini belgilaydi. 
2. Musobaqani yuqori saviyada tashkil etish uchun Oʻzbekiston Respublikasi 
Yoshlar ishlari agentligi, Sportni rivojlantirish vazirligi, Mahalla va nuroniylarni 
qoʻllab-quvvatlash vazirligi, sport turlari boʻyicha sport federatsiyalari, hududiy va 
mahalliy hokimliklar masʼul etib belgilanadi. 
3. Musobaqa 
Oʻzbekiston 
Respublikasi 
Prezidentining 
2020-yil
30-oktabrdagi “Sogʻlom turmush tarzini keng tatbiq etish va ommaviy sportni 
yanada rivojlantirish chora-tadbirlari toʻgʻrisida”gi PF–6099-son Farmoni va
2022-yil 19-yanvardagi “Mahallalarda yoshlar bilan ishlash tizimini tubdan 
takomillashtirish chora-tadbirlari toʻgʻrisida”gi PQ–92-son Qarori asosida tashkil 
etiladi. 
II. Musobaqani tashkil etish maqsad va vazifalari 
4. Musobaqani oʻtkazishdan asosiy maqsad – mahalla yoshlarida jismoniy 
tarbiya va sportga boʻlgan qiziqishni oshirish, jamiyatda sogʻlom turmush tarzi 
tamoyillarini yanada kuchaytirish, yosh iqtidorli sportchilarni tanlab olish, ularda 
professional mahorat va koʻnikmalarni rivojlantirish, sport turlari boʻyicha 
mamlakat terma jamoalariga sport zahirasini tayyorlash, yoshlarni sport 
mashgʻulotlariga uzluksiz jalb etishga qaratilgan musobaqa tizimini yanada 
takomillashtirishdan iborat. 
5. Musobaqani oʻtkazishning asosiy vazifalari quyidagilar hisoblanadi: 
yoshlarni jismoniy rivojlantirish, sogʻlom turmush tarzini tashkil etish; 
ularda jismoniy tarbiya va sport mashgʻulotlariga doimiy ravishda jalb etish; 
boʻsh vaqtlarini mazmunli tashkil etish va ular oʻrtasida sport 
musobaqalarini oʻtkazish orqali oʻzaro doʻstona aloqalarni mustahkamlashga 
sharoit yaratish;
sportning ommaviylashgan olimpiya hamda milliy sport turlarini 
rivojlantirish; 
musobaqa gʻolibi va sovrindorlarini aniqlash, oʻtkazilgan sport 
musobaqalarining natijalarini tahlil qilish.