Республика илмий-амалий масофавий онлайн конференцияси

PISA TADQIQOTIDA MATEMATIK SAVODXONLIKNI BAHOLASH:
“QADAMLAR” TOPSHIRIGʻINING TAHLILI
Ismailov Sh.
Nizomiy nomidagi TDPU, [e-mail]
Bekchanova Sh.
Toshkent sh., Sergeli tumani, 6-DIUM, [e-mail]
Respublika xalq ta’limi tizimida ta’lim sifatini baholash sohasidagi xalqaro tadqiqotlarni tashkil etish, xalqaro aloqalarni oʻrnatish, oʻquvchi-yoshlarning ilmiy-tadqiqot va innovatsiya faoliyatini, eng avvalo, yosh avlodning ijodiy gʻoyalari va ijodkorligini har tomonlama qoʻllab-quvvatlash hamda ragʻbatlantirish maqsadida Oʻzbekiston Respublikasi Vazirlar Mahkamasining 2018 yil 12 dekabrda “Xalq ta’limi tizimida ta’lim sifatini baholash sohasidagi xalqaro tadqiqotlarni tashkil etish chora-tadbirlari toʻgʻrisida”gi 997-son qarori qabul qilindi.
Kutilayotgan 2021-yili oʻquvchilarimiz PISA baholash tadqiqotida buyuk Al-Xorazmiy ajdodlariga munosib boʻlgan natijalarni koʻrsatishi uchun xalqaro tadqiqotlarda oʻtgan yillarda foydalanilgan topshiriqlar mazmunini va metodik jihatlarini oʻrganib chiqish, bunday turdagi yangi topshiriqlarni va ularni echishga qaratilgan oʻqitishning shakllari, metodlari va texnologiyalarini ta’limga joriy qilish vazifalari barcha oʻqituvchilar, metodist-olimlar, mansabdor shahslar hamda darslik mualliflari oldida turibdi.
Maqolada xalqaro tadqiqotlarda oʻtgan yillarda foydalanilgan “Qadamlar” topshirigʻi mazmuni va metodik jihatlari oʻrganib chiqildi. Topshiriq Toshkent sh., Sergeli tumani 6-DIUM oʻquvchilari bilan bajarilgan.
PISA tadqiqotidagi matematik savodxonlik ta’rifi, unga oid terminlar ma’nosi [1,2] da berilgan.

“Qadamlar” topshirigʻining berilishi:

Rasmda yurayotgan odamning izlari ko‘rsatilgan.

Qadam uzunligi deb birinchi iz tovon oxiridan ikkinchi iz tovon oxirigacha bo‘lgan masofaga deyiladi. Erkak kishining yurishidagi bog‘lanish taqriban quyidagi formula bilan ifodalanadi:

Bu yerda n- bir daqiqadagi qadamlar soni, P-qadam uzunligi(m).