Республика илмий-амалий масофавий онлайн конференцияси

Фойдаланилган адабиётлар
1. Ишмуҳaммедов Р. Тaрбиядa инновaцион технологиялaр – Т: ―Фан ва технологиялари нашриёти. 2010.
2. Ишмуҳaмммедов Р. Тaълимдa инновaция. – Т: ― Фан ва технологиялар нашриёти. 2010.
3. Йўлдошев Ж. Ҳасанов С. Педагогик технологиялар. – Т: ―Молия-иқтисод нашриёти. 2009.
4. Мирзахмедов Б. Гофуров Н. ва бошқалар. Физика ўқитиш назарияси ва методикаси Тошекент 2010
БОШЛАНҒИЧ ТАЪЛИМДА ИННОВАЦИОН - ЯНГИЧА ЁНДАШУВ
Қодиров Рахмон Каримович
Сурхондарё вилояти ХТХҚТУМОҲМ Мактабгача, бошланғич ва
махсус таълим, методикалари кафедраси катта ўқитувчиси.
Замонавий таълимни ташкил этишга қўйиладиган муҳим талаблардан бири, ортиқча руҳий ва жисмоний куч сарф этмай қисқа вақт ичида юксак натижаларга эришишдир. Шу нуқтаи назардан ноанъанавий дарслар ўйин дарс, театрлаштирилган дарс, мусобақа дарсларини ташкил этиш, шахс фаолиятига ёндашув концепцияси ва тамойилларига мос келиб улар ўқувчи ички дунёси, тафаккури ва шахсий ҳаётий тажрибасини максимал даражада фаоллаштиришга хизмат қилади.
Бугунги ўқитувчи, шулардан келиб чиққан ҳолда ўтаётган дарсини самарали чиқиши учун изланиши, ўз устида ишлаши лозим.
Жумладан, инновацияларни яратиш ва тарқатишнинг ягона пухта ишланган механизми ҳозирги вақтда таълимни ривожлантиришнинг асосий қуроли бўлиб қолмоқда. Таълим соҳасининг долзарб вазифаларидан бири - давлат таълим стандартларини ўзлаштиришдир. Давлат таълим стандартларини ўзлаштириш кафолати инновацион асосда иш юритишни тақозо этади. Ушбу масаланинг ечимини топишда таълим жараёнига педагогик технологияларни олиб кириш энг долзарб вазифалардан бўлиб хизмат қилади.
Бунинг учун ўқитувчига қуйидаги талаблар қўйилади:

• 
  Инновация, инновацион технология тушунчасини, унинг мазмун ва моҳиятини билиш.
  
• 
  Киритилаётган инноватсияларнинг таълим мақсадини амалга оширишдаги ўрнини ва ролини англаб етиш.
  
• 
  Инновацион технологияларни бошланғич таълим тизимида қўллаш методларини пухта ўзлаштириш.
  
• 
  Дарснинг аниқ режаси ёки лойиҳасини ишлаб чиқиш.
  
• 
  Таълимий ва ишчанлик ўйинларини билиш.
  
• 
  Ўқувчиларнинг мустақил фаолиятларини ташкил этиш ва таъминлаш, педагогик технологияларни қўллаб, намунавий ўқув машғулотларини ўтиш.
  

Дарс жараёнида турли методлар билан ишлаш дарс самарадорлигини оширишга ёрдам беради ва ўқувчиларни мустақил фикрлашга ундайди. Бунинг учун синф кичик гуруҳларга ажратилади. Унинг ишлаш тартиби қуйидагича бўлса, мақсадга мувофиқдир.

	Ўқитувчи қисман дарснинг мавзуси, мазмуни бўйича ўқувчиларга тушунча беради.
	Ўқувчилар 3-7 тадан 4-6 гуруҳга ажратилади. Ҳар бир гуруҳ алоҳида стол атрофига жойлашади.
	Ўқитувчи вазифани белгилаб, гуруҳ ишларини тақдим қилишни, қандай баҳолашни тушунтиради.
	Вақтни белгилайди.
	Гуруҳ ишлари натижаларини муҳокама этади ва таққослайди.

Ўқувчилар гуруҳда бир-бирларига саволлар берадилар, эгаллаган билимлари бўйича ўзаро фикр алмашадилар. Улар иш билан банд бўлган вақтда ўқитувчи синф бўйлаб барчани кузатиб, топшириқни изоҳлаб юради, қийналаётган ўқувчиларга ёрдам кўрсатади. Вақт тугагандан сўнг ҳар бир гуруҳдан биттадан вакил доскага чиқиб, бажарилган ишни бутун синф олдида тақдим этади. Ўқитувчи ҳамма гуруҳ ишларини якунлаб, уларга изоҳ беради, хатолари бўлса, тўғрилайди ва хулосалайди, баҳолайди.

Илғор педагогик технология асосида ташкил этилган дарсларда ўқувчи шахсида бир қанча ижобий сифатлар шаклланади. Ўқувчиларнинг ўзларига бўлган ишончлари ортади, келажакда бошқа масалани муҳокама қилишда ўз фикрларини билдиришга ўрганадилар.
Бошланғич таълим жараёнида қўллаш мумкин бўлган бир неча интерфаол усуллар ва уларнинг дарс жараёнидаги ўтказилиш тартиблари ҳақида фикр юритамиз.