Республика илмий-амалий масофавий онлайн конференцияси

Kombinatorika elementlariga oid 130-133-mavzulardagi masalalar 6-sinf o‘quvchilariga murakkablik qilmoqda. Ota-onalar ham o‘z fikrlarini bildirib ushbu mavzuga oid masalalarni oddiyroq formada bayon etishlarini bildirmoqda.
8-sinf “Algebra” darsligi. Sh.A.Alimov, O.R.Xolmuhamedov, M.A.Mirzaahmedov. Qayta ishlangan 4-nashri. “O‘qituvchi” Toshkent 2019.
O‘z-o‘zidan ko‘rinib turibdiki darslikning I bobi “Algebraik kasrlar va ular ustida amallar” 1-2-3-4-5-6-mavzular 7-sinf algebra(Sh.A.Alimov, O.R.Xolmuhamedov, M.A.Mirzaahmedov. Qayta ishlangan va to‘ldirilgan 5-nashri. “O‘qituvchi” Toshkent 2017) darsligidagi V bob “Algebraik kasrlar” aynan takrorlangan. Bir xil mavzularning qayta qayta o‘qitilishi, bu o‘z navbatida vaqtni yo‘qotilishiga olib keladi. Vaholangki, “Chiziqli funksiya va uning grafigi”ga oid mavzularni qo‘yish maqsadga muvofiq edi va bu o‘z navbatida keyingi mavzular bilan uzviylikni bog‘laydi.
7-sinf “Algebra” darsligidagi VI bob 39-mavzu: “Kombinatorikaning asosiy qoidasi” mavzusidagi 557(160-bet), 559(161-bet) masalalardan tashqari barcha masalalar 8-sinf Algebra darsligidagi “Kombinatorikaning asosiy qoidasi va uning masalalar yechishda qo‘llash” nomli 31-mavzuda keltirilgan masalalar bilan aynan takrorlangan.
Bu esa o‘quvchilarda zerikish hissini uyg‘otadi. 31-mavzuning o‘rniga “O‘rinlashtirish va guruhlashning masalalar yechishda qo‘llanilishi” mavzusi qo‘yilsa ketma-ketlik saqlanib qolinadi. Albatta, bu mavzular uchun o‘quvchilar yoshi va ta’lim standartiga mos masalalar berilishi lozim, deb o‘ylayman.
Darslikdagi “Taqribiy hisoblash”ga oid mavzular 3-nashr(VI bob)ga nisbatan II bobga ko‘chirilishi to‘g‘ri yondashilgan, chunki kimyo va fizika fanlarida o‘tiladigan materiallar bilan uzviylik bog‘langan.
Amaliy-tatbiqiy (kompetensiyaviy) fanlar aro bog‘liq masalalar o‘quvchining kundlik hayotida matematik bilimlarni tatbiq eta olish salohiyatini shakllantirish va uni rivojlantirish, o‘quvchilarning fikrlash ko‘nikmalarini namoyon qilishi uchun yordam berishiga asoslanib tuzilgan.
O‘zbekiston Ta’lim sektori tahlilida qayd etilishicha, mustaqil fikrlash hamda o‘z intellektual va ijodiy salohiyatini ro‘yobga chiqarishga qodir yoshlarni tarbiyalash maqsadida ta’limda kompetentsiyaviy yondashuvga o‘tish uchun darsliklarni yangilash talab qilinadi.
Shunday qilib bizning fikrimizcha, farzandlarimiz sifatli darsliklar bo‘yicha ta’lim olishlarini istasak, darsliklardagi kamchiliklarni bartaraf qilish, yangi ishlab chiqilayotgan darslilarida bu kabi kamchiliklarni oldini olish maqsadida darslilarni yaratish va nashr etish mexanizmlarini to‘liq qayta ko‘rib chiqish kerak.
Taklif

1. 
   Darsliklarni yaratishda mualliflar dars mashg‘ulotlarida ishtirok etib, fan o‘qituvchisi va o‘quvchilarni fikrlarini o‘rganish qat’iy asosda yo‘lga qo‘yilsa.
   
2. 
   Mualliflar o’rtasidagi erkin, halol, ochiq raqobatgina, bizning nazarimizda, haqiqatan ham yuqori sifatli darsliklarning paydo bo’lishiga olib kelishi mumkin.
   
3. 
   Ta’limning rivojlanishida davlat va jamiyat manfaatdor bo‘lganidek ota-onalar ham mas’ul bo‘lmoqlari kerak, chunki o‘quvchilar uyga berilgan topshiriqlarni ota-onalari yordamida ham o‘zlashtirishadi.
   
4. 
   Darsliklar o’rtasidagi uzviylik va izchilikni ta’minlanishi.
   
5. 
   Fan yo‘nalishidagi yangiliklarni va hayotga tatbiq etish usullarini o‘quv darsliklarida joriy etish ta’lim mazmunini yanada oshiradi.