Reja: Yer ostki organlar (ildiz, ildizpoya, tuganak na piyozlar)

Sachratqi yer ustki qismi va ildizi - Herba et radix Cichorii
O‘simlikning nomi. Cichorium intybas - Oddiy sachratqi.

Oilasi. Asteraceae - Astradoshlar.

Sachratqi ko‘p yillik o‘t o‘simlik bo‘lib bo‘yi 30 -120 sm ga yetadi. Tik o‘suvchi, poyasi notekis, qovirg‘ali, shoxlangan. O‘simlikni ildizoldi to‘p barglari bor bo‘lib, patsimon ajralgan, barg plastinkasi bandi bilan torayib boradi, pastki tomonida asosiy tomiri bo‘rtib chiqqan. Poyadagi barglari lansetsimon, o‘tkir tishsimon qirrali, keng asosli, poyani o‘rab oluvchi bo‘lib, ketma-ket joylashgan. Yuqoridagi barglari tekis qirrali. Gullarida savatchaga to‘plangan bo‘lib, barg qo‘ltig‘iga to‘p-to‘p, poyani uchlaridagisi yakka-yakka joylashgan. Gullarida 12-20 ta tilsimon tojbarglari bo‘lib, ko‘k rangda bo‘ladi. Gul o‘rni yassi. Mevasi pista. Ildizi yo‘g‘on silindirsimon, etli, kam shoxlangan bo‘lib uzunligi 1,5 m gacha boradi. O‘simlikni hamma qismida sut shirasi bo‘ladi.

Tarqalishi. Sachratqi MXD lari, shu jumladan O‘zbekistonning barcha hududlarida yovvoyi holda yo‘l chekkalarida, ariqlar chetlarida o‘sadi.

Tayyorlash. Yaxshi taraqqiy etgan tuplarining ildizi kuzda kavlab olinadi, tozalab yuvilib, uzunasiga, ko‘ndalangiga qirqilib, soya-salqinda yoki mahsus quritish moslama-larida quritiladi.

O‘simlikni yer usti (o‘ti) yoz oylarida yo‘g‘on shoxlarisiz yig‘ilib, soya-salqin joylarda quritiladi.