Reja: Yer ostki organlar (ildiz, ildizpoya, tuganak na piyozlar)

8-ma`ruza mashg`uloti: Dorivor xom ashyosi ildiz va ildizpoya hisoblangan o‘simliklarni o‘rganish. Dorivor preparatlari va ularning qo‘llanilishi.
Reja:

1. 
   Yer ostki organlar (ildiz, ildizpoya, tuganak na piyozlar) 
   
2. 
   Ferula ildizi - Radix Farulae
   
3. 
   Sachratqi yer ustki qismi va ildizi - Herba et radix Cichorii
   
4. 
   Gulxayri o‘simligining ildizi - Radix Althayeaye
   

Yer ostki organlar (ildiz, ildizpoya, tuganak na piyozlar) odatda o‘simlik uyquga kirgan vaqtida – erta bahorda yoki kech kuzda tayyorlanadi. Ba’zi yer ostki organlarni o‘simlik gullab bo‘lganidan so‘ng yig‘iladi. Chunki ularning ba’zilarini o‘sayotgan yerida baland bo‘yli begona o‘simliklar orasidan topish qiyin (solab turlari va boshqalar), ba’zilarini qurib qolgan poyalarini esa shamol sindirib uchirib ketadi (yetmak va boshqalar).

YEr ostki organlarni belkurak, ketmon va boshqa asboblar bilan qazib olinadi. Bir joyni o‘zida usimlik ko‘p hamda yer ostki organlari yaxshi taraqqiy etgan bo‘lsa, u holda traktor bilan kovlab olinadi (qizilmiya va boshqalar). Yig‘ilgan yer ostki organlarni loy, tuproq, qum, barg va poyalardan tozalab (ba’zilarini suvda yuvib), quritish uchun mayda bo‘laklarga qirqiladi.

O‘simlikning yer ustki qismlarini, masalan bargi, guli va boshqa qismlarini shudring ko‘tarilgandan so‘ng havo ochik paytida yig‘ib olinadi. Yomg‘ir yoki ertalabki shudring ko‘tarilmasdan oldin yig‘ilgan o‘simlik­larni quritish qiyin, ular qurtilganida ham qorayib ketadi. Yig‘ilgan dorivor mahsulotlarni savatlarga bosib yoki bir epra uyub qo‘yib bo‘lmaydi, chunki namlik va issiqlik (qizish yoki quyosh harorati) ta’sirida o‘simlik to‘qimalarida chuqur biokimyoviy o‘zgarishlar ro‘y beradi, organimzga ta’sir etuvchi kimyoviy birikmalar parchalanib ketib, dorivor mahsulot o‘z qimmatini yo‘qotadi.