Режа: Ветсанэкспертиза лабараториясининг тузилиши

Озиқ-овқат махсулотларини колхоз бозорига олиб келишга
бўлган талаб ва экспертиза қилиш тартиби

Гўшт ва гўшт маҳсулотлари

Қишлоқ хўжалик ҳайвонларининг ва ёвойи ҳайвонларнинг тана гўштлари бозорга, совутилган, яхлатилган ва музлатилган ҳолатларда олиб келинади. Олиб келинган тана гўштлари бутун, иккига, ёки тўртга бўлинган бўлиши мумкин.
Гўшт билан биргаликда ички паренхиматоз органлари бўлиши шарт. Майда нимталаниб, бўлак қилиб олиб келинган гўштлар экспертиза қилинмайди ва бундай гўштларни бозорда сотиш мумкин эмас. Чўчқани, отни ва қорамолни боши, танаси бўлиши керак.
Қуён ва ёввойи қуён танасининг орқа оёғини биридан 3-4 см узунликда териси шилинмасдан қолдирилади. Паррандаларни танаси ичак човоқлардан ҳоли қилинган ҳолатда олиб келинади. Тасодифан мажбурий сўйилган ҳайвонлар танаси экспертиза қилинмайди ва колхоз бозорида сотиш мумкин эмас. Гўштни ветеринария-санитаря экспертиза қилиш колхоз бозорида маълум тартибда амалга оширилади.
Қоидага биноан бозорга, гўшт, калла-поча олиб келган шахс справка кўрсатиш керак. Справкада ҳайвонни сўйишдан олдинги, ҳолати, гўшти ва бошқа махсулотлари сўйилгандан кейин экспертиза ўтказилганлиги, шу жойда юқумли касалликлар учрамаслиги ёзилади.
Гўштни тана юзасига ветеринария текширишидан ўтказилганлиги ҳақида тамға босилган бўлиши ҳам мумкин. Текширишда ветеринария справкасини тўғри ёзилганлигига ҳам эътибор бериш керак. Справка қоида асосида тўлдирилган.ветеринария врачи ёки фельдшер имзоси ва тамға босиб тасдиқланиши керак. Гўштни сотиш учун олиб келган эгасида, маълум ҳужжат справка бўлмаса, тана гўштига ветеринария текширишдан ўтказилганлиги ҳақида тамға босилмаган бўлса, бундай пайтда тана билан биргаликда боши ва ички органлари (ўпка, юрак, жигар талоқ, ва буйрак) бўлганда гўштни экспертиза учун қабул қилиб текшириш мумкин.
Олинган текшириш хулосаси, гўштни сотилиши ёки сотилмаслиги ҳақида хулоса юритилади. Сўйиш пунктларида, гўшт корхоналарида сўйилган ҳайвонлар шу жойда экспертиза текширишдан ўтказилиб тамғаланган тана гўштлари, бозорга сотиш учун олиб келинганда, қайтадан экспертиза қилиниб текширилади, лекин бозорда жойлашган айрим фирма магазинларига, тўғридан-тўғри гўшт корхоналаридан гўшт ва гўшт маҳсулотларини олиб келиб сотиш мумкин. Бозорга сотиш учун олиб келинган от гўштини текширилганлиги ҳақидаги справкада, отга сўйишдан уч кун олдин малинизация ўтказилганлиги тўғрисидаги реакция натижасининг манфий эканлиги ёзилган бўлиши керак. Бундай текшириш хулосаси бўлмаса, гўштни сотиш мумкин эмас.
Мамурий-территориал ноҳияси ташқарисидан киритилган гўшт ва гўшт маҳсулотларининг сотиш учун форма №2 ветиринария гувохномаси бўлганда сотишга рухсат этилади. Бозордаги ветиринария лабораторияларида ички органларни, танани ва бошқа текширишлар умумий қабул қилинган текшириш усуллари асосида амалга оширилади.
Имкони борича ҳамма куриш мумкун бўлган танани юза қисмида жойлашган лимфа тугунлари очиб қўрилади. Цистицеркоз (финноз) касаллигини бор йўқлигини аниқлаш мақсадида бир туёқли ҳайвонлар танасида цистицеркозни аниқлаш учун энса, бўйин, бел ва думба мускуллари кесиб қўрилади. Касал ҳайвонлардан олинган гўштларни (касалликни бошланиш даврида) сотилиб кетмаслиги, ҳамда гўштда микроблар борлигига гумон қилинганда бозордаги ветсанэкспертиза лабораторияларида микробиологик текширишлар ўтқазилади. Агар танани текширишда ветсанэкспертиза текширишларида бирор касалликка нисбаттан ҳафланиш туғулса, унда фақатгина иккита лимфа тугуни микроскопия қилинади.(юза, бўйин ва сакраш бўғими лимфа тугуни ). Чўчқаларда бундан ташқари жағости лимфа тугунлари текширилади. Бирор бир ўзгариш аниқланганда суртма ўзгарган лимфа тугунларидан, ички органлардан қон қуюлган тўқима – атрофидан, шикастланган жойларидан тайёрланади.