Режа sug‘urta biznesida marketingning ahamiyati va uning yuritilishi

1-mavzu: Sug‘urta marketingida axborot texnologiyalarining qo‘llanilishi
РЕЖА
1. Sug‘urta biznesida marketingning ahamiyati va uning yuritilishi
2. Sug‘urta bozoridagi raqobat sharoitida innovatsion muhitning shakllanish jarayoni
3. Sug‘urta kompaniyasining biznes jarayonlarini reinjiniring qilish 
Sug‘urtalash jarayoni mijozning ehtiyojlarini o‘rganishdan boshlanadi.
Sug‘urta marketingi -bu sug‘urtalovchi va sug‘urta qildiruvchining o‘zaro anglashuvi va samarali o‘zaro ta’siri – ularning moliyaviy va iqtisodiy munosabatlarini optimallashtirishga erishiladigan konsepsiyalar va uslublar tizimidir, bu sug‘urtalovchilarning turli ehtiyojlarini yuqori sifatli, nisbatan arzon va to‘liq sug‘urta qoplamasida eng yaxshi ta’minlashga, ya’ni kompaniya uchun sug‘urta operatsiyalarining yuqori rentabelligini ta’minlashga qaratilgan tizimdir.
Oddiy qilib aytganda, sug‘urta marketingi sug‘urtalovchi va sug‘urtalanuvchining o‘zaro manfaatlari va ehtiyojlarini hisobga olishga yo‘naltirilgan munosabatlar tizimidir. Sug‘urta marketingi deganda ko‘pincha sug‘urtalovchi tomonidan iste’molchining ehtiyojlarini imkon qadar to‘la qondirish orqali foydani maksimallashtirish tushuniladi.
Sug‘urta marketingi sug‘urta tashkilotlarining bozorda ishlash uslubi, sug‘urta bozori metodologiyasi bo‘lib, potensial sug‘urtalanuvchilar va ularning talab-istaklarini o‘rganish, ularga mos sug‘urta mahsulotlarini yaratish, narx belgilash, sug‘urta mahsulotilarni yetkazib berish, taqdim etish, sotish, xizmat ko‘rsatishni tashkillashtirish usullari, vositalari, tartib-qoidalari majmui hisoblanadi. Bularning barchasi talab bilan taklifni o‘zaro muvofiqlashtirishga xizmat qiladi.
Ijtimoiy ahamiyati nuqtai nazaridan sug‘urta marketingi to‘rtta muqobil maqsadlarga ajratiladi:
1. Iste’mol darajasini oshirish.
2.Potensial sug‘urtalanuvchilarning talabi qondirilishini maksimallashtirish.
3. Iste’mol tanlovini maksimallashtirish.
4. Sug‘urta bozorida xizmatlar sifatini oshirish.