Режа sug‘urta biznesida marketingning ahamiyati va uning yuritilishi

Sug‘urta marketingining mohiyati va maqsadlaridan quyidagi asosiy tamoyillar kelib chiqadi:
- potensial sug‘urtalanuvchilarga yo‘naltirilgan tamoyil;
- istiqbolga yo‘naltirilgan tamoyil, ya’ni sub’ekt faoliyati istiqbolga yo‘naltirilgan bo‘lishi zarur;
- pirovard ko‘rsatkichga erishishga yo‘naltirilgan tamoyil, ya’ni sug‘urta bozori hissasi, foydaning oshishi va hokazolar.
Sug‘urta marketingining bosh vazifasi sug‘urta kompaniyasining mavjud va potensial imkoniyatlarini baholash va amalga oshirish hamda sug‘urta bozorida talab va taklifni muvofiqlashtirish maqsadidagi imkoniyatlarni aniqlashdan iborat. Sug‘urta marketingi yoki tadbirkorlik faoliyati aniq natijaga erishish maqsadida amalga oshiriladi. Sug‘urta marketingining asosiy maqsadlari sug‘urta kompaniyasining asosiy maqsadlari bilan o‘zaro aloqadordir.
Sug‘urta marketingining vazifalari
Sug‘urta ishida marketing o‘tkazishning pirovard maqsadini qisqacha qilib quyidagi ta’rif bilan ifodalash mumkin: “Shunday sug‘urtalanuvchilarni topish zarurki, ular kompaniyaga o‘zlarini jalb etish uchun va mavjud sug‘urta ehtiyojlarini qondirish uchun qilingan sarf-xarajatdan ko‘proq naf keltirsinlar.

Maqsadlar	Ko‘rsatkichlar
Sug‘urta bozorini egallash	Sug‘urta bozori ulushi, sug‘urta mahsulotining roli va ahamiyati, yangi sug‘urta bozorini qamrab olish
Rentabellik	Foyda, aylanmaga nisbatan rentabellik, shaxs kapitali rentabelligi, umumiy kapital rentabelligi
Moliyaviy barqarorlik	Kreditga layoqatliligi, likvidliligi, o‘z-o‘zini moliyalashtirish darajasi, kapitalning tuzilishi
Ijtimoiy maqsadlar	Ish bilan qoniqish, daromad darajasi va ijtimoiy himoya, ijtimoiy integratsiya, shaxsiy rivojlanish