|
Fanni o`rganish natijasida o`quvchilar quyidagi bilimlarga ega bo`lishlari kerak:
- fanni o`tish texnologiyasida mustaqil O`zbekistonning “Ta`lim to`g`risida”gi Qonuni va “Kadrlar tayyorlash milliy dastur”i, Davlat ta`lim standarti talablarini bilishi;
- mavzularning har birini zamon talabi, iqtisodga bog`lashda fanning munosabatini aniq bilish;
- zamonaviy moda yo`nalishini, yangi ishlab chiqarishlar va ularning faoliyati yutuqlaridan xabardor bo`lish;
- yangi gazlamalar, ularning qo`llanishi haqidagi ma`lumotlarga ega bo`lish;
- yangi loyihalash usullarining qo`llanishi haqidagi ma`lumotlarga ega bo`lish;
- odam gavda tuzilishini mukammal o`rganish, undan o`lchovlar olish qoidalarini aniq bilishi kerak.
Fanning o`quv rejasidagi boshqa fanlar bilan o`zaro bo`g`liqligi,
uslubiy jihatdan uzviyligi va ketma-ketligi
Ushbu fanni o`zlashtirish uchun o`quvchi “Umumta`lim” fanlaridan anatomiya, kimyo, matematika, chizmachilik, tasviriy san`at, “kasbiy ta`lim” fanlaridan tikuvchilik gazlamashunosligi, tikuvchilik jihozlari, tikuvchilik texnologiyasi, zardo`zlik, gazlamaga badiiy ishlov berish kabi fanlarni chuqur o`zlashtirgan bo`lishlari talab etiladi. O`quv rejaga ko`ra yuqorida keltirilgan fanlar, tikuv buyumlarni loyihalash, modellash fani bilan birgalikda o`zlashtirilishi lozim.
Fanni o`qitishda zamonaviy axborot va pedagogik texnologiyalari bo`yicha tavsiyalar
Bugungi kunda boshqa iste`mol mahsulotlari kabi kiyimga nisbatan yanada yuqori talablar qo`yilmoqda. Kiyimlarni loyihalash jarayonida ishlab chiqilayotgan kiyimning zamonaviyligi, shakli, detallari, ularning mutanosibligi, bezaklar hamda buyum chizmasini chizishda foydalaniladigan hisoblash formulalari. Kiyimning tayyor holda kerakli shaklni ta`minlovchidetallarining grafik usullari yordamida qurish nazarda tutiladi.
Ishlab chiqarishga oid fanlarni o`rgatish jarayoni turli xildagi ko`rgazmali o`quv qurollarini ko`rsatish bilan, darsdagi amaliy ishlari va ishlab chiqarish korxonaridagi amaliyot ishlarining o`zaro uzviy bog`langanliklari bilan olib borilishi lozim.
“Tikuv buyumlarini loyihalash” fanidan dars berishda buyum – kiyimlarga oid barcha ko`rgazmali texnik vositalari, andaza tayyorlashga kerakli bo`lgan ish qurollari (chizg`ichlar, lekalolar, qog`zlar, o`lchash vositalari) bo`lishi lozim.
Ta`lim berishning zamonga xos texnik vositaridan - slaydlar, multimediya va boshqa kompyuter dasturlaridan foydalanishi kerak.
Ma`lumki, ta`lim – ikki yoqlama jarayon. Bu jarayonda pedagog ham, o`quvchi ham faol bo`lishi kerak. Pedagog tomondan berilayotgan materialdan amaliy ishda ijodiy foydalanish didni, tadbirkorlikni rivojlantirishga, kiyinish madaniyati tushunchasini kengaytirishga, kasbiy bilimlarni chuqurlashtirishga yordam berishi kerak va o`quvchilar tomonidan bu axborotlar qanday qabul qilinayotganligini, “Teskari aloqa - bilim olish” yuzaga kelayotganligiga ishonch hosil qilishi kerak.
Bu fanning asosiy maqsadi bo`lajak to`garak rahbarlarining kasbiy mahoratlarni egallashlarini ta’minlash, ya`ni yengil kiyimlarni bichish-tikish sirlarini o`rgatish, tikuvchilikda qo`llaniladigan qo`l ishlari uchun asbob-uskuna, moslamalar, tikuv mashinalaridan, dazmollash uskunalaridan unumli foydalanishni bilish, to`garak a`zolarini har tomonlama tarbiyalash, badiiy didini o`stirish, mehnatga ijodiy munosabatda bo`lishini ta`minlashdir. Bu fan bo`yicha bo`lajak to`garak rahbarlari mutaxassislik bo`yicha tayyorgarlik darajasiga, ya`ni “Tikuvchilikda yagona ta`rif-mutaxassislik ma`lumotnomasi”da ko`rsatilgan bilim, ko`nikma, malakalarga ega bo`lishi kerak.
Tikuvchilik texnologiyasi fani bo`yicha bilimlar berishda ayollar kiyimi tikuvchisiga oid kasbiy tayyorgarlik berish asoslariga tayaniladi. O`quvchilar tikuvchilik sanoatining xalq xo`jaligidagi ahamiyati, yakka buyurtma, xususiy korxonalar faoliyati kelgusida rivojlanish rejalari, mehnatni ilmiy tashkil etish, mehnat unumdorligini oshirish omillari, har xil ish qurollari bilan ishlashda xavfsizlik texnikasi qoidalari, tikuvchilik buyumlarini tikish ketma-ketligi jarayoni bilan tanishtiriladi va grafik ko`rinishini chizish va o`qish o`rgatiladi. Tikuvchilik texnologiyasi darslarida o`quvchilarning dastlabki ko`nikma, malakalarini hosil qilishda ishlab chiqarish qiymatiga ega bo`lmagan gazlama bo`laklari orqali amalga oshiriladi. Masalan: qo`l qaviqlari, mashina choklari, cho`ntak qopqoqlari, yoqalar, cho`ntaklar, vitochkalar, yenglar, bo`yin o`yindisiga ishlov berish usullari, ko`ylak bel qismiga ishlov berish usullari, kiyim bezaklari, belbog`lar, bog`ichlar, kamar tutgichlar tikiladi, detal qirqimlariga ishlov berish usullari, yubka etagi va shimning pochasini tikish usullari bajariladi. Fanni o`qitishda asosan rejada ko`rsatilgan buyumni tikishni o`rgatishda tikilayotgan buyum eskizini chizish, tasnif yozish, tikish bosqichlarinini tanlash, andaza va gazlamani bichishga tayyorlash, tikish texnologiyasi ketma- ketligi xaritasini tuzish, buyum maketini tayyorlash ishlari bajariladi. Bu vaqtda o`quvchilarda kiyim tikish texnologiyasi asoslari bo`yicha ko`nikma hosil bo`ladi. “Tikuvchilik malakalarini takomillashtirish” o`quv amaliyoti jarayonida ko`nikma malakaga aylanib, yana ham mustahkamlanadi. O`quv rejasiga asosan 3 bosqichda o`quv yili davomida 180 soatlik o`quv amaliyoti o`tkaziladi. Bu davrda o`quvchilar “Tikuvchilik texnologiyasi”fanida egallagan ko`nikmga asoslanib, o`quv amaliyotida ko`rsatilgan buyumlarni o`z o`lchamlarida tikishni o`rganish orqali ko`nikmalarni mustahkamlab, malaka hosil qilish imkoniyati yaratiladi.
Do'stlaringiz bilan baham: |
