Reja: Milliy ayollar kiyimini modellashtirish

Milliy ayollar kiyimini modellashtirish
Reja:
1. Milliy ayollar kiyimini modellashtirish
2. Milliy ayollar kiyimini modellashtirish haqida
3. Milliy ayollar kiyimini modellashtirish bo`yicha ma`lumotlar

“Tikuv buyumlarini loyihalash, modellashtirish va badiiy bezash” fanidan tuzilgan ushbu dastur pedagogika kollejlarida bichish-tikish bo`yicha to`garak rahbarlarini o`qitish uchun mo`ljallangan.

Dasturda mavzular oddiydan murakkabga qaratilgan bo`lib, tikuvchilik texnologiyasi, tikuvchilik gazlamashunosligi, tikuvchilik jihozlari, gazlamaga badiiy bezak berish, ishlab chiqarish iqtisodiyoti, turmush nafosati, chizmachilik, tasviriy san`at, tarix, odam anatomiyasi va fiziologiyasi fanlari bilan uzviy bog`lanadi.
Tikuv buyumlarini loyihalash, modellashtirish va badiiy bezash fani bo`yicha to`garak tashkilotchisining bilim malakasiga qo`yilgan talablar: fanni o`tish texnologiyasida, O`zbekiston “Ta`lim to`g`risida” gi Qonunni va “Milliy dastur”ga amal qilish, mavzularning har birini zamon talabi, iqtisodga bog`lashda, fan bo`yicha Davlat talablariga mos kelishi kerak. Zamonaviy moda yo`nalishini milliy kiyimlarda qo`llanishi, yangi ishlab chiqarishlar va ularning faoliyati, yutuqlari asos qilib olinadi. Yangi tikuv jihozlari, uskunalari, ularning afzalliklari, yangi gazlamalar, ularning qo`llanishi haqidagi ma`lumotlar ham hisobga olinadi. Odam gavda tuzilishini o`rganish va kiyim tayyorlashda anatomiya, morfologiya, plastik anatomiya fanlarini mukammal o`rganish, gavdadan o`lchov olish texnikasini aniq bilish, turli kiyimlar asosiy andaza chizmalarini chiqarishda tahlil qila bilish, ijodiy va amaliy yondashish, kiyim eskizlarini tasavvur qila olish, chizmalarini aniq, toza, tartibli bajarish, texnik modellashtirishga qo`yilgan talablarni mukammal egallash asos qilib olinadi. Model tanlashda, avvalo, gazlamani tanlash, so`ng odam qiyofasiga moslash, uning yoshi va kiyinish madaniyatiga qarab qo`llash mahoratini egallashi lozim.

Fanni o`rganish natijasida o`quvchilar quyidagi ko`nikmalarga ega bo`lishlari kerak:
- gavdadagi nuqsonlarni ko`ra bilishi;
- gavdadan o`lchov olish texnikasini aniq bilish;
- kiyim eskizlarini tasavvur qila olish va chizmalarini aniq, toza, tartibli bajarishi;
- turli kiyimlarning asos chizmasini yaratishi;
- asosiy chizmalarni texnik modellashtirish va buyum andazasini tayyorlash;
- tayyor andazalarni gazlamaga optimal variantda joylashtirishni bilish;
- model tanlashda, avvalo, gazlamani tanlash, so`ng odam qiyofasiga moslash uning yoshi va kiyinish madaniyatiga qarab qo`llash mahoratini egallash;
- gavdadagi nuqsonlarni andazaga o`tkaza olish.