Режа Математика ўқитиш услубиёти фани мақсад ва вазифалари

Матeматика мазмуни

Матeматика дастурининг асосий ўзаги натурал сонлар ва асосий миқдорлар арифмeтикасидан иборат бўлиб, бу ўзак атрофида алгeбра ва гeомeтрия элeмeнтлари бирлашади, бу элeмeнтлар арифмeтик билимлар систeмасига тартибан сон, арифмeтик амаллар ва матeматик амаллар хамда матeматик муносабатлар ҳақида тушунчаларнинг юқорироқ даражада ўзлаштиришга имкон бeради.

Инсоният ўз ривожи даврида ёш авлодга билимлар берар экан асосий эътиборини ўз фаолияти ва тараққиёт талабларини ҳисобга олиб, фанлар асосларини ўргатишга ҳаракат қилади. Шу сабабли талабаларга барча билимлар қатори математикадан чуқур билимлар бериш вазифаси ва уни илмий амалга ошириш асосий масалалардан ҳисобланади. Бунда математика ўқитиш услубиёти асосий ўринлардан бирида туради.

Методика сўзи юнонча метод ёки усул сўзидан олинган бўлиб, шунга кўра математика ўқитиш услубиёти жамият томонидан қўйилган таълим мақсадларига мос равишда математика ўқитиш қонуниятларини унинг маълум ривожланиш даражасида ўрганадиган ва тадқиқ этадиган педагогиканинг бўлимига айтилади.
Математика ўқитиш услубияти фани математика педагогикаси сифатида таълимнинг умумий қонуниятларининг математика соҳасида намоён бўлиш хусусиятларини ўрганади.
Математика ўкитиш услубиёти фани аввало ўзаро бир-бирига боғлик тўртта саволга жавоб бериши лозим.
Биринчиси – нима учун математикани ўргатиш керак?
Бу саволга жавобни таълим ва тарбия умумий вазифаларига асосланиб топиш мумкин, ўз навбатида бу вазифалар жамият ривожининг маълум бир босқичида унинг олдида турган умумбашарий мақсад ва вазифалар билан аниқланади.
Иккинчиси – кимни математикага ўргатиш керак?
Бир томондан бу савол ёш ҳақида бўлиб, қачондан бошлаб талабаларни математикага ўргатиш мақсадга мувофиқ ва қачон барча учун мажбурий дастур ўрнатишни тугатиш зарурлигини ифода этади. Иккинчи томондан, кейинги математик таълимнинг узвийлигидир.
Учинчиси – ўрганиладиган математика мазмуни қандай бўлиши керак? Ёки нимани ўргатиш керак?
Бу саволга жавоб математика ўқитиш мақсадлари ҳақидаги савол билан мустаҳкам боғлиқ. Умуман олганда, математика фанидан уни ўқитиш ва ўргатиш учун қандай хажмда ва қандай маълумотлар олиш ҳақида баҳсли масалалардан ҳисобланади.