Режа: Маҳалладаги ёшлар етакчисининг ҳуқуқий мақоми ва давлат фуқаролик хизматчиси сифатидаги ўрни

13-МАВЗУ: ЁШЛАР ИШЛАРИ АГЕНТЛИГИНИНГ МАҲАЛЛАДАГИ ЁШЛАР ЕТАКЧИСИГА ЮКЛАНГАН АСОСИЙ ВАЗИФАЛАР ВА ФУНКЦИЯЛАР, ЕТАКЧИ ИШ ФАОЛИЯТИНИНГ ЭЛЕКТРОН РЕЙТИНГ ТИЗИМИ (KPI)
РЕЖА:
1. Маҳалладаги ёшлар етакчисининг ҳуқуқий мақоми ва давлат фуқаролик хизматчиси сифатидаги ўрни.
2. Маҳалладаги ёшлар етакчисининг асосий вазифаси ва функциялари.
3. Иш фаолияти натижаларига кўра, етакчиларни рағбатлантириш, кадрлар захирасига олиш ва юқори лавозимларга кўтариш тартиби.
4. Ёшлар етакчиларининг иш фаолиятини баҳолаш электрон рейтинг тизими (KPI)ни ҳисоблашнинг ўзига хос жиҳатлари.
Мавзуга оид асосий тушунчалар:
давлат органи – қонунларга мувофиқ ташкил этиладиган, давлат функцияларини бажарувчи, давлат ҳокимият ваколатларига эга бўлган давлат аппаратининг ташкилий жиҳатдан алоҳида тузилмаси;
давлат фуқаролик хизмати – давлат хизматининг бир тури, Ўзбекистон фуқароларининг давлат органларида оммавий манфаатлар йўлида давлат органи функциялари ижросини таъминлашга қаратилган реестрга киритилган лавозимда ҳақ тўланадиган касбий фаолияти;
давлат фуқаролик хизмати лавозими – юклатилган вазифани бажариш учун мансаб ваколати ва мажбуриятларига эга давлат органларидаги Давлат фуқаролик хизмати лавозимлари реестрига киритилган лавозим;
давлат фуқаролик хизматчиси – ўз фаолиятини Давлат фуқаролик хизмати лавозимларининг давлат реестрига киритилган лавозимларда амалга оширувчи Ўзбекистон фуқароси;
давлат фуқаролик хизматчисининг касбий компетенцияси – давлат органи вазифаларини самарали амалга ошириш учун зарур билим, малака ва кўникмаларнинг мажмуи;
давлат фуқаролик хизмати лавозимларининг давлат реестри – давлат фуқаролик хизмати татбиқ этилган давлат органидаги давлат фуқаролик хизмати лавозимларининг рўйхати;
давлат фуқаролик хизматчиларининг одоб-ахлоқ қоидалари – давлат фуқаролик хизматчилари эгаллаб турган давлат фуқаролик хизмати лавозимидан қатъи назар риоя қилиши шарт бўлган касбий хизмат одоб-ахлоқ нормалари, принциплари ва қоидалари мажмуи;