Рэжа: Кириш

II. Ишни бошлашдан олдинги хавфсизлик талаблари

2.1. Ишни бошлашдан аввал лаборант керакли махсус кийим ва индивидуал ҳимоя воситаларини кийиши шарт.

2.2. Сменани бошлашдан аввал лаборант жиҳозларнинг, кимёвий идишларнинг ишга яроқлилигини, реактивлар билан таъминланганликни текшириши ва буйруқлар билан танишиши шарт.
2.3. Сменани бошлашдан аввал звеночи “Сменани топшириш - қабул қилиш журнали” га имзо қўйган ҳолда, барча журнал ва моддий бойликларни қабул қилиб олиши шарт.


III. Иш вақтидаги хавфсизлик талаблари
3.1. Шиша идишлар билан ишлаганда хавфсизлик қоидалари.
синган, дарз кетган идишдан фойдаланиш таъқиқланади;
шиша идишни асбест полотносисиз очиқ оловда қиздириш таъқиқланади;
ўзидан иссиқлик чиқарадиган моддаларни аралаштирганда ва суюлтирилганда иссиқликка чидамли шиша ёки чинни идишлардан фойдаланиш керак;
ичида иссиқ суюқлик бўлган идишларни ташишда сочиқдан фойдаланиш керак. идишни икки қўллаб: бир қўл билан остидан, 2-си билан оғзидан ушлаш керак;
катта кимёвий стаканларни икки қўллаб, четлари кўрсаткич бармоққа таянган ҳолда кўтариш керак.
жараённинг шиддатли кечиши, босим ҳосил бўлиши, идишнинг қизиб кетиши ёки синиши оқибатида қайноқ ва қуруқ маҳсулотларнинг сачраши эҳтимоли бўлган ишларни тортувчи шкафларда, тунука товаларда кўзойнак таққан ҳолда амалга ошириш керак;
вакуум остида ишлаш вақтида олдиндан синалмаган ёки нуқсонли идишдан фойдаланиш таъқиқланади;
идишларни ювиш учун хромли аралашмадан терига, кўзга теккизмаслик мақсадида эҳтиёткорлик билан фойдаланиш керак. ишни қўлқопларда ва ҳимоя кўзойнакларида амалга ошириш;
.
3.2. Кислота ва ишқорлар билан ишлаш қоидалари.
кислота ва ишқорлар билан бажариладиган ишларни тортувчи шкафларда, индивидуал ҳимоя воситаларидан фойдаланган ҳолда амалга ошириш керак;
кислота ва ишқорларни пипеткага оғиз билан олиш таъқиқланади, бунинг учун резина грушадан фойдаланиш керак;
тўкилган кислота ва ишқорларни қум сепиб нейтраллаш ва шундан кейин тозалаб олиш керак;
лабораторияда концентрацияланган кислоталарни аниқ белгиланган шиша идишларда, тунука това устида, тортувчи шкафда ёки тортувчи шкафнинг пастки қисмида суткалик эҳтиёж миқдорида сақлаш керак;
кислотали эритмаларни тайёрлаш учун кислотани сувга ингичка оқим билан, тўхтовсиз аралаштирган ҳолда қуйиш керак;
қаттиқ ишқорларни секинлик билан эритиш учун сувга кичик бўлакларни бирма-бир солиб, тўхтовсиз аралаштириб туриш керак. Ишқор бўлаклари фақат қисқичлар билан олинади;
кислотани қуйишни махсус хоналарда амалга оширилади;
кислота ва ишқорлар грушали сифон ёрдамида аралаштирилади. концентрацияланган нитрат, сульфат ва хлорид қислоталар фақат тортувчи шкафда қуйилади;
кўп миқдордаги кислота ва ишқорлар обрешёткада икки киши бўлиб ташилади, 5 кг гача оғирликдагиларни эса челакда ташиш мумкин;
оз миқдордаги (1 л гача) кислота ва ишқорлар идиш оғзидан, ёзувини олдинга қаратиб ушлаган ҳолда ташилади;
сақлаш хоналарида ва иш жойларида етарли миқдорда нейтралловчи моддалар бўлиши шарт.

3.3. Электр иситиш приборлари ва кучланиш остида турган приборлар билан ишлаш вақтида хавфсизлик қоидалари.

Барча электр жиҳозлар, шунингдек кучланиш остида турган жиҳозлар заминланган бўлиши керак.
Фақат заводда ишлаб чиқарилган приборлардан фойдаланиш керак.
Барча ишлар ишга яроқли жиҳозлар билан амалга оширилиши керак. Приборларнинг, вилка, розеткалар, ток ўтказувчи симларнинг носозликлари электр монтёр томонидан бартараф қилиниши керак.
Электр энергияси узатилиши тўхтаган вақтда барча приборлар ўчирилиши керак.
Электр жиҳозларнинг ёки электр проводкаларнинг носозлиги аниқланган тақдирда электротехник ходимга хабар бериш керак.
Электрдан жароҳатланишнинг олдини олиш мақсадида қуйидагилар таъқиқланади:
ёқилган электр приборларини кўчириш ва уларни қаровсиз қолдириш;
электр ускуналарга ўтиш йўлини тирбанд қилиш;
электр симларни михларга илиб қўйиш;
тармоқни ортиқча юклаш;
штемпель розеткаларига, электр симларга турли хил нарсалар илиш, электр симларни ип ёки сим билан мустаҳкамлаш;
носоз электр приборлари билан ишлаш.
3.5. Ацетилен билан ишлаш қоидалари.
Ацетилен – рангсиз, ёнувчи газ, ўткир саримсоқ ҳидли, наркотик таъсирга эга, ҳаво билан аралашмаси-портлашга хавфли.
Ацетилен қувури сариқ рангга бўялади.
Ацетилен оқиб кетган аниқланган тақдирда, газ узатувчи жўмрак ёпиш ва