Reja: Kirish I bob. O’quvchilarning bog’lanishli nutqini o’stirish metodikasi

Mehmon bo‘lish yaxshi-da!
Mehmon kutish qoidalari, o‘z uyida mehmonni qanday kutib olish haqida og‘zaki suhbat uyushtirish, bunda mehmon bilan qanday munosabatda bo‘lish, suhbat jarayonida qanday so‘zlardan foydalanish kerakligi haqida, suhbatlashish odobiga rioya qilish, bir-birini hurmat qilish, so‘zga chiqishni istashini hurmat bilan so‘rash, navbat bilan gapirishga odatlanish haqida fikr almashish. Matn (asar) qahramonlari xatti-harakatlaridan xulosa chiqarish. Asar qahramonlariga tavsif berish.
V bo‘lim. TIL VA DIL
She’r bo‘ladigan so‘zlar
Til haqidagi she’rni tinglash, unda qo‘llanilgan so‘zlarning ma’nolari bilan tanishish. She’r matni yordamida so‘zlashuv tili va badiiy nutqning o‘rtasidagi farqni tushunish bilan bog‘liq topshiriqlar ustida ishlash. She’riy matnda ohangdoshlikni hosil qiluvchi so‘zlarni aniqlash, she’riy matnni o‘qish qoidalari bilan tanishish. Tasviriy ifoda, undan foydalanish. Berilgan matn tarkibidagi tasviriy ifodalarni aniqlash, ularning nutqni boyitishdagi ahamiyati haqida suhbatlashish. She’riy nutqga xos bo‘lgan xususiyatlar: qofiya, ohang. Badiiy nutqdagi o‘xshatishlarni va sifatlashlarni tushunish.
Maqolning mag‘zi
Maqollar bilan bog‘liq mavzuda berilgan audiomatnni tinglash orqali maqollar va ularning mazmuni bilan tanishishga oid topshiriqlar. Maqollar va gaplarni ular ifodalangan mazmun bo‘yicha tahlil qilish, maqol va gapni farqlay olish bilan bog‘liq mashq va topshiriqlar ustida ishlash. So‘zlarning ko‘chma ma’nosi. Matnda ko‘chma ma’noda ishlatilgan so‘zlarning ma’nosini kontekstdan tushunish. Matn mazmuniga mos maqol tanlash.
VI bo‘lim. FAN VA TEXNOLOG IYALAR
Oy Yerdan kattami?
Berilgan matnning mazmuni yuzasidan suhbat qurish, matn mazmunini qayta hikoya qilish, so‘zning fikr ifodalashdagi o‘rni va ma’nolari bilan bog‘liq mashq va topshiriqlar ustida ishlash. Matn tarkibida berilgan atamalarni aniqlash, lug‘at yordamida ularning izohi bilan tanishish. Fazogirlik kasbi haqidagi audiomatn bilan tanishish. Qiziqarli kasblar, kasb tanlash haqida suhbat qurish. Tengdoshlar bilan suhbat jarayonida qo‘llaniladigan so‘zlar, ulardan foydalanishga oid mashqlar ustida ishlash. Badiiy bo‘lmagan (faktik ma’lumotlar beradigan) matnni tushunish. Verbal (matnli) va vizual (grafik, illustratsiya, jadval va hokazo) kerakli ma’lumotni qidirib topish.