Reja: Kirish. I-bob. Deviant xulqni olimlar tomonidan o’rganilishi va deviant xulqni o’smirlarda shaxs xususiyatida shakllanishi

6-mashg`ulot
«O’ylab ko’r, oldindagi kim»Ishtirokchilar ko’zlari bog`langan holda xonadagi guruhdoshlaridan birini paypaslab, uning kimligini ta`riflab, ismini topadilar.
«Oyna»
Maqsad: o’z tanasining «tilini» anglashni rivojlantirish; refleksiya va empatiyani rivojlantirish. Ishtirokchilar «yetakchi» va «boshqaruvchi» rolida. Etakchi tanasi bo’ylab harakatlarni bajaradi, boshqaruvchi esa uning har bir harakatini go’yo «oynadagi timsoli» kabi qaytaradi.
«Rolli o’yinlar bahsi»
Maqsad: muloqotchanlik ustanovkalarini shakllantirish; o’z holatini boshqarish ko’nikmalarini tarkib toptirish.
Ishtirokchilar uch guruhga bo’linib: 1. Men doimo senga achinaman. Ushbu hisdan qanday qutilsam ekan? 2. O’zimdan o’zim nafratlanaman. Nima qilsam ekan? 3. Menda ko’pincha, ayniqsa, hozir tushkunlik holati hukmronlik qiladi. Uni qanday o’zgartirsam ekan? - degan savollarga javob izlaydilar. So’ng guruhiy mushohada davom etadi.
«Men o’zimni yaxshi ko’raman, chunki men...»
Maqsad: o’zini o’zi konstruktiv baholashni shakllantirish. Hamma doira shaklida o’tirib, o’zining eng ijobiy hislatlarini aytadilar.
«O’ziga o’zi xat yozish»
Maqsad: o’ziga adekvat munosabatni shakllantirish. Ishtirokchi o’ziga o’zi xat yozadi. Unda o’zidagi mavjud ijobiy munosabatlar bitilgan bo’ladi. Har bir xat o’qib eshittiriladi va muhokama qilinadi.
«O’zim haqimda»
Maqsad: atrofidagilardan o’zi haqidagi axborotni olish.
Ishtirokchilar oilaviy turmush tarzi, do’stlari, qiziqishlari to’g`risida rasm chizadilar va uni muhokama qiladilar. Sarflanadigan vaqt: 20 daqiqa.
«Podshohi olam»
Maqsad: Har bir ishtirokchi «podshohi olam» rolida buyruq beradi va amr etadi. Aytish kerakki, har bir podshohi olam o’z boshqaruv va buyruq uslubiga ega bo’lishi shart.
«O’zimning afzallik deklaratsiyam»
Maqsad: o’zida ijobiy ustanovkalarni shakllantirish.
Ishtirokchilar o’zgalardan farq qiluvchi afzalliklari bitilgan deklaratsiyani ovozlarini chiqarib o’qib eshittiradilar. So’ngra ularning har biri «Men - bu men», «Men ajoyibman» - degan so’zlarni baland ovozda qaytaradilar.