Reja: Kirish. I-bob. Deviant xulqni olimlar tomonidan o’rganilishi va deviant xulqni o’smirlarda shaxs xususiyatida shakllanishi

2.2. Deviant xulq – atvorli bolalar bilan olib boralidagan psixokorreksion ishlar.
Olib borilgan kurs ishi davomida pedagogik korreksiya va o’z-o’zini adekvat baholashga oid trening mashg`ulotlari dasturi ishlab chiqildi hamda aniqlangan deviant xulqqa moyil o’smirlar bilan birgalikda mashg’ulotlar tashkil etildi.
Trening vazifalari: o’zgalar bilan o’zaro munosabatlarni shakllantirish; deviant xulqining korreksiyasi, o’zini-o’zi baholash va assertiv xulqni shakllantirish. Trening mashg`uloti har biri uch soatli sakkizta mashqdan iborat bo’lib, jami 24 soatga mo’ljallangan.
1-mashg`ulot «Tanishuv»
Guruh a`zolarini bir-birlari bilan yaxshi tanishib olishlariga yordam berish; guruhda samarali ishlashning muayyan qoidalari va treningning asosiy maqsadi bilan tanishtirish.
«Bo’laklangan otkritkalarni birlashtirish»
Trening ishtirokchilari bo’laklangan otkritkalarni birlashtirish orqali o’z guruhdoshlarini aniqlaydilar. Masalai: quyosh, moychechak, tog` shu`lasi va hokazolar kabi o’z beydjiklariga ega bo’ladilar.
Intervyu:
Ishtirokchilar juftliklarga bo’linib, bir-birlari bilan yaqindan tanishadilar.
Muloqotchanlik
Maqsad: muloqotchanlik malakalarini shakllantirish; ishtirokchilararo qayta aloqalarga asoslangan sharoitda tarbiyalanganlik sifatlarini namoyon etish. Ishtirokchilarga stress yoki nizoli holatdagi insonga xos xulq uslublaridan, «murosasiz», «ayblovchi», «tahlilchi», «adashgan» kabi sifatlardan o’zlariga mosini tanlash tavsiya etiladi. So’ngra munozara uchun biror mavzu tanlanib, har kim o’z uslubiga ko’ra mushohada yuritadi.
«Yordam ko’rsatish va masalani hal qilishning funktsional rollari» Maqsad: ishtirokchilarning o’zaro mulohazalaridan qayta aloqani aniqlash; guruhda qaysi funktsional rollarga o’ta past yoki o’ta yuqori o’rin berilganligini aniqlash.
Guruh a`zolaridan yarmi doira o’rtasida o’tirib, mavzu yuzasidan bahslashadilar. Qolgan ishtirokchilar esa ularning atroflariga o’tirib olib, o’zlarini jalb qilgan guruh a`zosidan birining xulqini diqqat bilan kuzatadilar va qaysi xulq shakli, jumladan, ustunlikka erishishga intilish, tajovuz, befarqlik yoki hammasini ostin-ustun qilishga moyillik kabi besamara xatti-harakatlarni ajratadilar. 15-20 daqiqadan so’ng ishtirokchilar o’z rollarini almashadilar.